EAEn frackinga debekatzeko herri ekimen legegilea aurkeztu dute berriz
Ia urtebete geroago, bigarrenez aurkeztu dituzte Eusko Legebiltzarrean haustura hidraulikoa EAEren lurralde osoan debekatzeko lege proiektua eta hari lotutako herri ekimena (HEL). Urtarrilaren 31n aurkeztutako eta bere garaian Legebiltzarrak atzera botatako proposamen bera aurkeztu dute gaurkoan, baina ekimenaren sustatzaileek nabarmendu dutenez, orduko hartan Fracking Ez Araba plataforma izan zen HELaren babesle bakarra, eta oraingo honetarako, aldiz, autonomi erkidegoan frackingaren aurka ari diren talde guztiek egin dute bat.
HELaren bultzatzaileek Legebiltzarrean bertan adierazi dutenez, 2013an ez da egon zulaketarik eta ez da espero 2014an izatea, baina horrek ez du esan nahi “hausturaren mehatxuak bere horretan” ez dirauenik. “Indarrean zeuden baimen guztiak indarrean daude oraindik, eta hemen inork ez dio frackingari uko egin momentuz, ez enpresek ezta gobernuak ere”, esan dute.
Bestalde, gaur erregistratutako HELa otsailean onartu ez izana kritikatu dute haustura hidraulikoaren aurkakoek. Orduan emandako arrazoia izan zen Legebiltzarra aldaketa bat tramitatzen ari zela Natura Babesteko Legean, hain zuzen ere frackinga debekatzeko gune babestuetan, eta horrek eragozten zuela Fracking Ez Arabak aurkeztutako ekimena aurrera eramatea (legearen arabera ezin da HEL bat onartu gai berari buruzko beste lege proiektu bat tramitatzen ari bada aldi berean). Azkenik, Natura Babesteko Legea aldatu da baina frackingaren aipamenik ere egin gabe. “Horrek argi uzten du emandako argudioa aitzakia hutsa besterik ez zela izan, herri mugimendutik zetorren proposamenari ez heltzeko”, salatu dute.
Proposatuko lege berria, onartuko balitz, laburra –bost artikulu besterik ez– eta zehatza izango litzateke. Funtsean, EAEren lurralde osoan hidrokarburo ez-konbentzionalen esplorazioa, ikerketa eta ustiaketa debekatuko luke, baita ere fracking teknika oro har.
Legebiltzarreko Mahaiak onartzen badu HEL hau tramitatzea –ez dirudi oraingoan ezetz esateko arrazoirik izango duenik–, haren aldeko sinadurak biltzeko kanpaina abiatuko da bizpahiru hilabete barru. Gutxienez 30.000 lagunen izenpea lortu beharko dute prozedurak aurrera jarrai dezan.
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Rapero ezaguna zen TíoBad gaztea Sayula de Aleman (Veracruz, Mexiko) herrian eta haren oihartzuna askoz urrunago ere heldu zen, Mexikon Barrena AEBetaraino. Bertsotan salatzen zituen narkotrafikatzaileekin elkar hartzen duten agintariak, kazetari eta ekintzaileen... [+]
Euskadiko Hidrokarburoak (SHESA) enpresa publikoak Espainiako Ingurumen Ministerioaren oniritzia jaso du Armentia 2 putzuan lanak hasteko. Zulaketak egiteko baimena eskuratzea Eusko Jaurlaritzaren, Arabako Aldundiaren eta Gasteizko Udalaren ardura dela adierazi du Fracking... [+]
Espainiako Biodibertsitaterako eta Ingurumen Kalitaterako Zuzendaritza Nagusiak egindako ingurumen-inpaktuaren azterlana aldekoa izan da Armentia-2 putzuan gasa erauzteko, txostenaren arabera zundak ingurunean ez baitu ondorio kaltegarririk eragingo. Horrenbestez, Espainiako... [+]
Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept... [+]
Sky txirrindulari talde britainiarra INEOS konpainia petrokimikoak erosi duela-eta, haserrea agertu du hainbat talde ekologistak, frackingaren aurkako kolektiboek tartean. Yorkshireko Itzulian protestak egingo dituztela iragarri dute.
2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna... [+]
AEBetako epaitegi federal batek behin-behinetan gelditu egin ditu gasa eta petroleoa produzitzeko zulaketak 121.000 hektareako eremuan, Wyoming estatuko lur federaletan. Epaiak lehen aldiz aipatzen du Barne Sailak lizitazioa onartu zuenean ez zuela kontutan hartu jarduera hauek... [+]
Orkestraren azken txostenak hainbat datu azpimarragarri dakartza enplegu munduari buruz; bestetik, Bizkaiko ekitaldi eta negozio erraldoi handiei lupa jarriko diegu, Pello Zubiria Argiako kazetariak frackingaren egoera EAEn aztertu du.