EAEko biztanleek dauden immigranteen bikoitza antzematen dutela adierazi du Immigrazioaren Euskal Behatokiak egindako barometroak. Azterketan galdetutako pertsonek %15,9an ezartzen zuten immigranteen kopurua eta %6,9 da berezko portzentajea.
Azterketaren arabera, krisiak okertu egin du Araba Bizkaia eta Gipuzkoako herritarrek immigrazioarekiko duten iritzia. Barometroaren arabera biztanleriaren %40ak immigrazioa segurtasun ezarekin eta delinkuentziarekin lotzen du. Ikuspegi hori %32ak gaitzesten du.
Horrez gain inkestatuen %57,6aren ustez, immigranteak onura handiegia jasotzen dute gizarte-babeseko sistematik. Gizarte babes honek bertakoentzat bakarrik izan behar duela pentsatzen du %30ak. Gainera hamarretik seik pentsatzen dute, immigranteek ez dutela lanik egin nahi laguntza hori jasotzen dutelako.
Atzerriko immigrazioaren inguruko pertzepzioak eta jarrerak txostena osorik (pdf)