Ostegunean aurkeztu dute herri galdeketa antolatuko duen taldea, Donostiako udaletxean. Donostia Galdeketa izeneko talde sustatzaileak, sinadura bilketa du hurrengo erronka.
Gasteizek herri galdeketarik egingo ez duela jakinarazi duen aste berean, Donostian, kontsulta antolatzeko talde sustatzailea aurkeztu dute. Sektore ugaritako herritarrek lagunduta aurkeztu dute ekimena Paulo Arruartek, Maria Luisa Sanchezek, Itziar Salegik eta Jose Luis Segurolak Donostiako udaletxean.
Ekainetik mahai gainean zuten herri galdeketa egiteko asmoa, orain, hori aurrera eramateko talde sustatzailea osatu dute. Donostia Galdeketako kideek jakinarazi dute, eragile eta norbanako ugariren babesa jaso dutela prozesua abiatzeko. ELA, LAB, ESK, Steilas, EH Bildu, EAJ, Ahal Dugu eta AEKrena besteak beste.
Hurrengo erronka sinadura bilketa egitea dute Donostia Galdeketako kideek. Prozesua garatu ahal izateko herritarren babesa izan nahi dute eta horretarako 8.000 bat sinadura bildu nahi dituzte abendutik apirilera bitarte, donostiarren %5a.
Behar adina sinadura jasotzen badute hurrengo faseari ekingo diote, galdera adosteari. Prozesua 2018ko udazkenean amaitu nahiko lukete antolatzaileek, galdeketa urrian edo azaroan egitea dute buruan.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Trebiñuko herritarrek bizi duten egoera "anakronikoa" salatu zuten igandean.
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]
Legealdiz legealdi, estatus politikoaren inguruko eztabaida edo bidea jorratzeko urratsak atzeratzen ari direla azpimarratu du Josu Etxaburu eledunak Eusko Legebiltzarreko batzorde batean: "Konpromisoak eskatzen ditugu hitzetatik harago ekintzak nagusitu daitezen eta herri... [+]
Pirinioetako Bidea ekimena antolatu du Gure Esku-k uztailaren 2rako, Kataluniako eragile sozial soberanista nagusiekin. Asmoa da Atlantikoa eta Mediterraneoa lotzen dituzten gailurrak argiztatuz, nazioarteko komunitateari mezua bidaltzea: irtenbide politiko bat behar dute Euskal... [+]
Asteazkenez bildu ziren Gure Eskuren bozeramaile Amalur Alvarez eta Josu Etxaburu Bakartxo Tejeria Eusko Legebiltzarreko lehendakariarekin. Gure Eskuk Legebiltzarrari dei egin dio erabakitzeko eskubidea arautzeko bidean hainbat konpromiso har ditzan. Uztailaren 2an, Kataluniako... [+]
Higer lurmuturretik Creusera, Atlantikotik Mediterraneora, 300 gailurretatik igarota Euskal Herria eta Katalunia batuko dituen argi-lerro baten bidez herrien autodeterminazio eskubidea aldarrikatuko dute Pirinioetako Bidea ekimenean.
Lehenik, gure errespetua eta begirunea adierazi nahi diegu Koldo Mitxelena berari eta haren senide eta gertukoei. Ez baitu atsegina izan behar, haren izena daraman kultur guneak horrelako kulturaren ikuspegi hertsi eta zentsuratzailearen gune bilakatuta ikustea.