Donostiako Txantxarreka gaztetxeko gizonek emakumeentzako otorduak eskainiko dituzte M8an
Donostiako Antiguo auzoko Txantxarreka gaztetxeak martxoaren 8ko greba feministarekin bat egin du eta egun horretarako ekimenak antolatu dituzte. Gaztetxea irekita egongo da 12:00etatik 15:30era bitarte eta 20:00etatik 22:00ak arte.
Donostiako Txantxarreka gaztetxeak zabaldutako kartela
Txantxarreka gaztetxeko gizonek greba egin ezin duten emakumeei irtenbide bat eman nahi diete. Emakumeentzako eta haurrentzako doako bazkaria emango dute, eta arratsaldean, umeak eskolatik ateratzen direnean, gaztetxeko gizonek euren zaintzaren kargu hartuko dute ordu batzuez.
Martxoaren 8an seme-alabak gaztetxean uzteko asmoa duenak, edota bazkaltzera joan nahi duen emakume orok m8txantxarreka@gmail.com helbidera idazteko eskatu dute antolatzaileek.
