Larunbat gauerdian eman zioten hasiera eraso sexisten eta autodefentsa feministaren aldeko manifestazioari, Zuloaga plazan. Antortxak, arropa beltzak eta buruberokiak lagun, eta batukadaren doinuek girotuta, Alde Zaharretik La Flamenka gunera sartu zen protesta. Erasotzaile guztiei eta hauen konplizeei mezu zuzena bidali eta inongo begiradarik, ukipenik edo bortxaketarik onartuko ez zaiela argi utzi zuten.

2016ko kultur hiriburuak “kapitala bizitzaren gainetik” jartzen duela iritzita, feministen aldarria kalera atera dute. Eraso sexisten aurrean erantzun “irmo, kolektibo eta konbatiboak” emateko prest daudela eta beldurra erasotzaileek sentitu behar dutela argi utzi dute. “Guk erabakitzen dugu nola jantzi eta norekin erantzi, geure gorputzak geureak dira!”.

Albiste hau Topatuk argitaratu du eta CC-by-sa lizentziari esker ekarri dugu ARGIAra.