Last Tour enpresak kudeatuko du asteburu honetan Donostia Festibala, BBK Live antolatzen duen enpresa berak. Joan den udan salatutako prekarietatearen harira, LAB eta Ernaik "alarmak piztu" dituzte eta harremanetarako bideak jarri dituzte.
Irailaren 13 eta 14an izango da Donostia Festibala Lasarteko hipodromoan. Joan den uztailean Bilboko BBK Live jaialdian langileen prekarietate egoerari buruzko informazio ugari argitaratu zuen Eragin Bilbo taldeak. Izan lan baldintza luzeak, beren soldata baxuak, lan ikuskaritzari gezurra esateko iradokizunak eta beste. Enpresak salaketa mehatxua ere egin zion herri mugimendu honi, bere irudia karteletan erabiltzeagatik.
Joan den astean BBK Live festibalean lanean ibili ziren beharginek hilabete berandu kobratu zutela salatu zuten, baita kobratzeko moduak ere . Furgoneta batean banan-banan ordaindu zieten zor zietena, eta langile batzuek bi ordutako ilara egin zutela salatu zuten.
Eragin Bilbok festibalean lan egin izan duenjendeari bere esperientzia kontatzeko eskatu zien, ondoren sare sozialetan argitaratuz. Arrabots handia sortu zuen, are gehiago, Bilboko Udalak promotorari milioi bat euro baino gehiago ematen dizkiola ere salatu baitzuten. Azpian langile ohi batek egindako lehen salaketa.
🚨 MÁXIMA DIFUSIÓN 📢
— Eragin Bilbo (@EraginBilbo) July 11, 2019
En este hilo publicaremos información que trabajadores y extrabajadores del #BilbaoBBKLive han ido mandándonos estos últimos días. El festival recibe 1.400.000€ por parte del Ayuntamiento del PNV-PSE mientras contrata currelas en estas condiciones ⬇️ pic.twitter.com/PhVJcVYDvJ
"Last Tour zer den ikusi genuen: soldata miserableak, lanaldi amaitezinak, iruzurra, deskantsurik ez, jatekorik ez... BBK Liveko lan baldintza txarrak errepikatu egingo direla susmatzen dugu", adierazi dute LABetik sare sozialetan. Bertan lan egingo dutenei beraiekin harremanetan jartzera animatu dituzte ondorengo emailean: donostiexplota@gmail.com eta 6650544392 telefonoan.