Gaur egingo diote autopsia gorpuari. Atxilotutako 37 urteko gizona espetxean mantenduko dute epaiketara arte. Prestatutako hilketa matxista izan dela frogatzen bada, biziarteko kartzela zigorra kontenplatzen du Frantziako legediak. Mobilizazioak egingo dituzte egunotan Euskal Herrian.
Jerome Bourrier Baionako prokuradoreak igandean eman ditu xehetasunak prentsaren interesa piztu duen agerraldian. "Feminizidioa" izan dela esan du, eta gorpua aurkitu zuten unearen hainbat xehetasun eman ditu: orkatilak eta eskumuturrak loturik zituen, mailu batekin eginiko zauri handia buruan eta bortxatua izatearen zantzuak. Autopsiaren xehetasunak astelehen honetan emango dituzte.
Bourrier prokuradoreak baieztatu du emakume bera dela ostiralean Donibane Lohizuneko Paris hotelean indarkeria zantzuekin hilda aurkiturikoa eta apirilaren erdialdera Ziburuko hotel baten leihotik behera egin zuena. Bosgarren solairutik erori zen ala bota egin zuten, oraindik ez dagoela argi diote iturri ofizialek. Hil ala biziko egoeran heldu zen ospitalera 34 urteko emakumea, eta 37 urteko gizonezkoa atxilotu zuten unean bertan –bere bikotekidea zen eta indarkeria matxistaren aurrekariak zituen–, baina aske utzi zuten, prokuradorearen esanetan emakumeak "suizidiorako tendentzia" zuelako, "aurrekari psikiatrikoak eta joera suizidak" zehazki. Hala ere, hilketa saiakeraren hipotesiak ere aurrera jarraitzen omen zuen.
Medikuek koma artifizialean izan zuten emakumea, baina lortu zuten egonkortu eta bizirik mantentzea. Maiatzaren 1ean desagertu egin zen ospitaletik, ustekabean. Erietxeko arduradunek abisua eman zioten Poliziari, baina ez zuten lokalizatzea lortu. Harik eta joan den ostiralean, maiatzaren 3an, Donibane Lohizuneko Paris hotelean hilik agertu den arte. Gizonezkoa hor egon da egun horietan, eta berak deitu zuen Polizia.
Naiz-ek jaso duenez, urtarrilaz geroztik Frantziako Poliziak begitan zuen 37 urteko gizonezkoa. Fitxatuta zeukan Poliziak, baina inoiz ez zen bortizkeria sexistagatik zigortua izan, aski froga ez zeudelakoan.
Elkarretaratzeak egunotan
Hilketa salatzeko, Ipar Euskal Herriko mugimendu feministak mobilizaziorako deia egin du astelehen honetarako, Donibane Lohizunen, Luis XIV. plazan 19:00etan. Hego Euskal Herriko hiriburuetan ere egingo dituzte protestak.
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.