Sakabanatutako preso baten lagunak istripua izan du asteburuan: urteko hirugarrena
Istripua izan du igandean Oier Lorente presoa bisitatzera Palentziara (Espainia) joandako lagun batek. Euriaren eraginez autoaren atzekaldeko gurpilek irrist egin eta errepidetik atera zen. Gidaria ongi dago, eta autoak kalte handiak izan ditu.
Autoa hondatuta geratu zen. (Arg: AskeGunea)
Segiko kide izatea egotzita, sei urterako espetxeratu zuten Oier Lorente Donostiako Askegunean eta Palentzien dago. 620 kilometro egiten dituzte bera bisitatzera joaten diren lagun eta senideek.
Donostiako #AskeGunea-n atxilotutako Oier Lorenteren lagun batek istripua izan du bixitatik itzultzean. pic.twitter.com/FA1RYERdNr
— AskeGunea (@AskeGunea) April 26, 2015
Dispertsioaren eraginez presoak bisitatzera joandakoan izandako hirugarren istripua da aurten.