Eskubide zibil eta politikoen defentsan desobedientzia zibil eta masiboak ez du etenik izan 2015. urtean. Gasteizko Andra Mari Zuriaren plazan maiatzean antolatutako herri harresia izan da unerik beroena. "Lege injustuei" aurre egiteko jaio zen mugimendu desobedientearen indarra agerian utzi zuen Gasteizen bizi izandakoak: epaiketa politikoak Euskal Herriko egoera politikoaren lehen lerrora ekartzeaz gain, nazioartera hedatzeko gaitasuna ere erakutsi zuen.