Ekainaren 30etik uztailaren 2a iraganen da aurtengo Euskal Herria Zuzenean festibala, Lekorneko Garroa gazteluaren inguruan. Kumbia Queers, La Cafetera Roja, Zea Mays, Huntza, Oum eta P.i.L.T. taldeek joko dute, besteak beste.
Sorgin zelaian gurea asma lelopean aurten ere musika, ikuskizun eta hitzaldi eskaintza zabala prestatu du Euskal Herria Zuzenean festibalak. Talde batzuen izenak aurretik esanak bazituzten ere, atzo aurkeztu zuten egitarau osoa, Baionan. Ekainaren 30 eta uztailaren 1 eta 2an egingo dute festibala, Lekorneko Garroa gazteluaren inguruan.
Kontzertuak
Azken urteotan, gaueko programazioan musikaren kalitateari, aurkikuntzari eta berezitasunari eman diete lehentasuna, eta hala egingo dute aurten ere. Honako talde hauek joko dute: Oum, Smokey Joe & The Kid, Mitchi Bitci Bar, Kumbia Queers, La cafetera Roja, Zea Mays, Huntza, Akua Naru, Wucan, Nova Twins, P.i.L.T., Duchess Says, GABLé eta Marta Ren & The Groovelvets.
Solasaldiak
Eztabaida guneak eta Brigada Ubelak antolaturik formakuntzarako tartea ere eskainiko dute, feminismoan eta burujabetzan sakontzeko. Gai hauek landuko dituzte:
- "Bake ala pazifikazio? Autodeterminazioa bake prozesuan" (Liam O'Ruairc filosofo eta idazle Irlandesakin),
- "Erresistentzia bai, baina gero zer?" (Gasteizko Errekaleor auzoa, Notre-Dame-des-Landeseko ZAD eta Eleak/Libre plataformako ordezkariekin).
- ideologia maskulinista deseraikitzeko tailerra
- ekonomia feministari buruzko hitzaldia
- Klown tailerra
Ikuskizunak
Urtero bezala, ikuskizunek ere tarte zabala izango dute: All right – La main s'affaire compainia, Dr Troll – La mogette magique, Larguez Les Amours – Cie Entre Les Gouttes, The books are made for walking, Elirale – Bihotz2, Bihotz Salataria Atx Teatroa, Mugetatik at..., Band of dixie, Ilusioaren indarra.
Iaz Bustirekin batera Topatuko lagunek jarraipen berezia egin zuten. Saioa ikusteko sartu hemen.
lbiste hau Topatuk argitaratu du eta CC-by-sa lizentziari esker ekarri dugu ARGIAra.
Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.
ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Hitzaldi eta mahai inguruen aurrerapena ere egin dute: Palestinaren egoera, Europako paktua eta immigrazio legea, laborarien mobilizazioa edota festibal eta musikagintza ereduaren eztabaida, besteren artean. Ekainaren 28an, 29an eta 30ean izanen da festibala, lehen aldiz... [+]
Auhen, Janus Lester eta Old School Funky Family taldeak ere izango dira festibalean. Ekainaren 28an, 29an eta 30ean egingo dute jaialdia, Arberatzen. Hiru egunetarako bonu berriak jarri dituzte salgai.
Lehen aldiz festibala Amikuzeko Arberatze herrian ospatuko da. Ekainaren 28, 29 eta 30an izango da.
12.000 pertsona bildu ditu festibalak Irisarriko plazan eta belardian. Publikoaz gain, 500 laguntzaileen lana azpimarratu dute antolatzaileek.
27. edizioa ostiraletik igandera iraganen da Irisarrin. 2019az geroztik ziren bertan, baina garaia etorri zaie mugitzeko: "Ez dakigu oraino zein izanen den gure hurrengo geltokia. Baina segur gira EHZak segituko duela".