Desalojatu egin dute Tolosako Ezpala gaztetxea, “agindurik gabe”
Goizaldeko 04:30ean bertaratu da Ertzaintza gaztetxera, eta bi orduren bueltan ekin diote husteari; objektu eta altzariak ateratzen ari dira orain.
Joan den abenduaren 23an okupatu zuen, Tolosako Gazte Asanbladak, Izaskunera igoeran dagoen lantegi zahar bat. Beren proiektua bertan finkatu eta, gabonetako hitzordu seinalatuak pasata, proiektua egonkortzea zen gazteen helbururik behinena, lantegia txukunduz.
Gazteak eraikina husteko arriskuaren jakitun ziren, baina jabearekin negoziazio batera iritsi nahi zuten: "Badakigu arrisku hori badela, baina badakigu ez dutela Ezpala di-da batean, bat-batean, hustuko; prozesu luzeagoa izango da, pauso judizial guztiekin", zioten, atzo bertan, asanbladako kideek.
Baina ezustekoa 04:30ean iritsi da, gaur, Ertzaintza gaztetxearen ingurumarietara bertaratu denean. Tolosako Gazte Asanbladak azaldu duenez, bi orduz han inguruan ibili, eta 06:30ean ekin diote desalojoari. "Gaztetxeko atetik sartu dira, eta ezer indartu gabe".
Une honetan altzariak ateratzen ari dira eta, asanbladako kideek jakinarazi dutenez, "desalojo agindurik gabe hustu dute gaztetxea". Agindua eskatutakoan, berriz, honakoa erantzun diete ertzainek: "Zuek ere baimena eskatu behar zenuten sartzeko!".
Gazteen kaleratzea jarraitu eta horren inguruko mezuak idazteko, #EzpalaAurrera traola erabiltzeko deia egin dute Tolosako Gazte Asanbladako kideek.
Oharra: Albiste hau Tolosaldeko Ataritik ekarria da Creative Commons lizentzia libreei esker.
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]
Gaur, behin betiko bozkatuko da okupazioaren aurkako lege-aldaketa kongresuan. Atzo, Eusko Jaurlaritzaren aurrean elkarretaratzea egin dute hainbat gaztetxeetako kideek; aldarrikatu dute "okupazioaren aurkako kriminalizazio oro gelditzea, eta okupazioaren aurkako neurri... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.