Ezkutuko informazioa zen, baina bada astebete hedabide batean eta bestean zipriztinak ateratzen ari direla. Guardia Zibilak Nafarroa iparraldeko ikastetxeetan D ereduan irakasten ari diren 1.652 irakasle ikertu ditu, ezker abertzalearekin duten lotura aztertzeko.
Guardia Zibilak baieztatu du ikerketa egin duela. Txostenak ondoko izena dauka: Ezker abertzalearen eragina Nafarroako Foru Erkidegoko irakaskuntzako sare publikoan. Guardia Zibilaren ustez, ezker abertzaleak hezkuntza kontrolatzeko estrategia abian dauka, ETAren jarduera terrorista legitimatzeko eta justifikatzeko.
28 eskolatako 1.652 irakasle ikertu dituzte, baina ez dute zehaztu zein eskolatako irakasleak diren. Haien esanetan, eskola publikoak izan dituzte jomuga, baina txostenean ikastolak aipatzen dituzte. Sortzen Ikasbatuaz elkartea aipatu dute, eta hanka sartu dute, zeren sare pribatuko ikastolek ere ezker abertzalearen estrategia indartzen lagundu dutela diote, eta Sortzen Ikasbatuaz eskola publikoetako D eredua bultzatzeaz arduratzen da, ez pribatuetakoa.
1.652 irakasle ikertuta 441 jo dituzte “etazale”tzat. Definizio hori emateko ondoko ezaugarriak hartu dituzte kontuan, besteak beste: zein sindikatuko kide diren, senideren bat preso duten, kartzelara bisitan joaten diren, legez kanpo utzitako zerrendetan ageri diren…
LAB sindikatuko 33 kide identifikatu dituzte. LABen ustez, Nafarroako irakaskuntzan sindikatuak duen indarra ahuldu nahi dute estrategia horrekin, baita murrizketen eta erreformaren kontra antolatu den sindikatuen arteko batasuna zapuztea ere.
Aste honetan bertan UPNko Carlos Salvador diputatua Espainiako Segurtasuneko estatu idazkariarekin elkartu da gaiaz hitz egiteko.
Gipuzkoako sorrera prozesuari buruzko bere doktore tesia aitzindaria izan zen, lurralde historikoen bilakaera ulertzeko. Deustuko Unibertsitateko irakaslea, historialari askorentzat eredu izan da bere lan egiteko eta irakasteko modua. Igande honetan hil da Elena Barrena Osoro... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Lehengai anitzekin papera egitea dute urteroko erronka Tolosako Lanbide Heziketako Paper Eskolako ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka pilatzen den... [+]
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]
UEUren 53. Udako Ikastaroak izango dira aurtengo udakoak. Zein jardunaldi eta ikastaro izango diren jakinarazi berri dute. Matrikulazioa aurrerago, maiatzean.
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Nafarroa Behereako Arberoa ikastola erre zen pasa den urrian. Administraziotik laguntzarik jaso ez duten arren, herritarrek berehala erantzun dute. Astelehenean, hain zuzen, elkartasuna eta berotasuna jaso dute Gipuzkoako Ibarran. Elkartasunak eraikitako sarea da gakoa.
