Erreferendumerako data jar dezala eskatu dio CUPek Generalitateari, beranduenez irailera arteko epean. Eskaria betetzen ez bada parlamentua uzteko aukera aurreikusten dutela ziurtatu dute, legealdiaren amaiera eragiteko.
“Legealdia amaitzeko bide posible guztiak aztertuko ditugu erreferendumaren data zehazten ez bada”, adierazi du Eulàlia Reguent CUPeko legebiltzarkideak 3/24 TV3an egindako elkarrizketan.
CUPek Generalitatearen aurrekontuak babestu zituen iragan astean, baina baldintza bat ezarri zuen: maiatzerako erreferenduma prest egotea. Gobernuari eskatu zioten aurrekontuak onartu ondoren galdeketaren data zehaztu zezala.