Enpresen finantzaketa sustatu nahi duen lege proiektua onartzeko asmoa du Mariano Rajoy exekutibo buru duen Gobernuak. Enpresek crowdfoundig bitartez lortutako diru kopurua gutxitu nahi du lege honen bidez, eta “erregulazio hobea” lortu, Luis de Guindos Ekonomia ministroak adierazi zuenez.

Inbertitzaileak bi taldetan sailkatu nahi ditu lege berriak:

Kualifikatuak: urtean gutxienez 50.000 euroko errenta jasotzen dutenak eta 100.000 eurotik gorako finantza-inbertsioak dituztenak.

Ez-kualifikatuak: inbertitzeko orduan mugak ezarriko zaizkie, gehienez 10.000 euro urtean eta 3.000 euro proiektuko.

GKEek, Podemos bezalako talde politikoek edota ikus-entzunezko produkzioek lortzen dute finantzaketa crowdfounding-ari esker, besteak beste.