Koronabirusak eragindako 900.000 heriotzetatik 195.000 AEBetan gertatu dira. Brasil da bigarren herrialde kaltetuena 128.000  heriotzarekin eta India hirugarrena, 75.000ekin. Ranking ilunean buru doan hamarrekoa honakook osatzen dute: Mexiko (68.400), Erresuma Batua (41.600), Italia (35.500), Frantzia (30.800), Peru (32.200), Espainia (29.600) eta Iranek (22.600).

Alabaina, herrialde bakoitzak dauzkan biztanleak kontutan hartuta, proportzioan heriotza gehien nozitu dituzten herrialdeen zerrendak bestelako itxura bat hartzen du. Horrela, Italia barruan berezirik kontabilizatzen den San Marino txikiak 42 hildakorekin harrapatzen du milioiko 1.237 heriotz tasa. Gainerakoan, egunotan Peruk hartu du lehen lekua zerrenda triste horretan, milioiko 915 heriotzarekin, aurrea hartuta luzaz lehena izan den Belgikari (855). Proportzioan heriotza gehien jasan duten hamarreko taldean honakoak ageri dira ondoren: Andorra (686), Espainia (634), Erresuma Batua (612), Txile (611), Bolivia (606), Ekuador (605) eta Brasil (604). Horien ostean hiru herrialde aberats datoz: Ameriketako Estatu Batuak (589), Italia (589) eta Suedia (578). Frantzia 16. lekuan dago milioiko 472 heriotzarekin.