COP21 klimaren gailurraren atarian mobilizazioak munduan eta Euskal Herrian
Parisen ez ezik, mundu osoan egingo dira klima aldaketari benetako konponbidea eskatzeko mobilizazioak, COP21 goi-bilera hasi aurreko egun bietan, azaroak 28 eta 29. Bi mila ekintza baino gehiago daude aurreikusita.
Frantziako Estatuan, aurreikusitako mobilizazioak baldintzatu ditu azaroaren 13ko erasoak direla-eta François Hollanderen gobernuak ezarritako debekuak. Azaroaren 29an eta abenduaren 12an Parisen manifestazio bana egiteko deia zabaldua zuen Coalition Climat 21ek adierazi du bestelako bideak baliatuko dituela azaroaren 29ko martxa egiteko, ikus-entzunezko instalazio artistikoen bitartez.
Halaber, iragarri dute abenduaren 7tik 11ra Klimaren Aldeko Ekintza Guena mantenduko dutela, Parisko Centquatren. COP21 amaitu eta biharamuneko (abenduak 12) manifestazio handirako deiari ere eutsi diote. Manifestazio bakoitzean 200.000 lagun inguru bil daitekeela uste da.
Mobilizazioak Euskal Herrian
Bilbon manifestazioa egingo da azaroaren 28an, Iberdrola dorretik abiatuta, eguerdiko 12:00etan, hainbat talde ekologista, sindikatu eta elkarte ugarik deituta. Horrez gain, Tom Kucharz Ekologistak Martxaneko kideak "Klima aldaketari buruzko gailurra Parisen, ingurumen mehatxuak eta TTIP" hitzaldia eskainiko du (gaztelaniaz) azaroaren 26an, Burtsako eraikinean (Pilota kalea, 10), 19:00etan.
Baionan, azaroaren 28an, Herriko Etxearen aurrean elkarretaratzea egingo dute hainbat taldek "Manifestatzeko eta borrokatzeko eskubidearen murrizketa oro ukatzen dugu" aldarrikatzeko, 11:00etan. Bazkalondoan This changes everything (Honek dena aldatzen du) dokumentala emango dute, Manu Robles Arangiz fundazioaren egoitzan, 15:00etatik aurrera. Naomi Kleinek idatzitako izen bereko liburuan oinarrituta, filmak klima aldaketari aurre egiteko premiaz ohartarazi eta haren aurkako borroka kapitalismoa gainditzeko biderik onena dela aldarrikatzen du. Proiekzioaren ostean, argazki bat egingo dute hara joandakoekin, Parisen egitekoak diren mobilizazioetara deitzeko.
Gasteizen eta Iruñean elkarretaratzeak egingo dituzte asteburuan. Gasteizkoa azaroaren 28an izango da, Andra Mari Zuriaren Plazan, 12:30ean. Iruñekoa, berriz, 29rako deitu dute Sarasate pasealekuan, eguerdiko 13:00etan. Kasu bietan, eta Bilboko manifestazioan bezala, "Baditugu alternatibak! Sistema aldatu, ez klima" leloa erabiliko dute.
Donostian "Klima Aldaketari Konponbideak" bizikleta martxak (ikus beherago) izango du protagonismoa. Azaroaren 28an, goizeko 11:00etan, informazio mahaia paratuko dute Bulebarrean; 17:00etan martxan dabiltzanei harrera egingo diete Udaletxean; 18:00etan Alderdi Ederretik abiatuko dira bizikletak, hirian zehar ibiltzeko; eta 19:30ean elkarretaratzea egingo dute, Alderdi Ederren ere bai. Azaroaren 29an, goizeko 9:00etan, Baionarantz abiatuko da martxa.
Bizikleta martxa, Pariserako bidean
Bestalde, Espainiako AMA elkarteak antolatutako “Klima Aldaketari Konponbideak” bizikleta martxa Euskal Herrian sartu zen azaroaren 24an. Abenduaren 10ean Parisera ailegatzea da helburua, handik bi egunera egin nahi den manifestazioan parte hartzeko.
Arabatik sartu zen martxa Euskal Herrira, eta azaroaren 30ean irtengo da Baionatik abiatuko den etapan. Bidean, parte hartzaileek sinadurak eramango dituzte Parisera. Modu horretan, akordio global eta loteslea eskatu nahi diete COP21en parte hartuko duten ordezkaritza garrantzitsuenei: AEB, Europar Batasuna, BRICS…
AMAren esanetan, COP21etik aterako den –eta Kyotoko Protokoloa ordeztuko duen– akordioak bermatu behar luke beroketa globala ez dela izango bi gradutik gorakoa, industrializazioaren aurreko garaiarekin alderatuta. Horixe da zientzialariek mugarritzat ezarri duten tenperatura igoera, honezkero saihestezina den klima aldaketa gizakiontzat erabat kontrolaezin bihurtu ez dadin.
Gailurraren aurretik munduko herrialdeek aurkeztu dituzten konpromisoak eta egin dituzten prestakuntza bilerak ez dira nahikoa izan helburu hori erdiesteko; aurrekari horiek ikusita, Parisko goi-bilera porrota izango dela iragarri dute askok.
Bihar, larunbatean, deituta daude mobilizazio jendetsuenak. Ikasleek eskola eguna bertan behera utziz hasitako protestei segida emanen diote herritarrek, mobilizazio zabalekin.
Mobilizazioak abian dira Frantziako Estatuan. Goizean lizeoetako ikasle asko kalera atera da. Frantziako Gobernuak gaiaz eztabaidatzera eta kontzientzia hartzera deitu dute. Ikasleek harago joan nahi dute. Bihar larunbatean, nazioarteko mobilizazioek segituko dute karriketan.
Atzo, otsailaren 21ean, Action Non-Violente-COP21 eta bizi mugimenduek, Frantziako Errepublikaren presidente Macronen argazkiak eraitsi zituen Paris, Lyon, Uztaritz eta Biarritzeko Herriko Etxeetan. Macronen gobernuak klimaren arazoaren aurrean daraman politika geldia salatzeko... [+]
Bizi! mugimenduaren iritziz, 2015eko COP21aren karietara hartu ziren engaiamenduek ez dute inolaz ere klimaren egonkortasuna segurtatzen. Galdera da: klimaren borroka galtzen ari ote gara?
Iaz Parisen egindako klimaren gailurrean lortutako akordioa ospatu zutenek akordio horretan AEBak sartu izana nabarmendu zuten ospatzeko arrazoien arte. Aurtengo gailurra hasi eta bigarren egunean, hara zer den bizitza, estatubatuarrek presidente aukeratu dute klima aldaketa... [+]
Azaroaren 7an hasiko da Marrakexen klima aldaketari buruzko COP22 gailurra. Helburu nagusia 2015ean adostutako Parisko Hitzarmena nola beteko den zehaztea da. Momentuz, 72 estatuk berretsi dute hitzarmen hori, baina gas emisoak murrizteko aurkeztu dituzten planak ez dira nahikoa... [+]
Klima aldaketari buruzko lehenbiziko nazioarteko akordio globala utzi zigun 2015ak: Parisko Hitzarmena. Mugarri hori historikotzat joa izan zen, eta hala ospatu zuten adostu zutenek, baina ezin esan aurrerapausoa izan zenik, kontrakoa baizik. Aurreko hamarkada biak alferrik... [+]
Mangladiak, itsas bazterrean marea beteak gerriraino estaltzen dituen eta bajamarrean sustraiak airean erakusten dituzten zuhaitzezko oihanak, suntsitzen ari gara planetako bazter guztietan. Guztietan? Ez: badira tropiko guztietan elkarte eta jendeak zuhaitz ... [+]
Bi gradu, gradu eta erdi, funtsa berdea, erabaki loteslea ala lotzen ez duen asmoa, herrialde garatuak eta garapen bidean daudenak… Kontzeptu ugari erabili dituzte abenduaren lehen hamabostaldian Parisen. Mundu osoko herrialde eta mandatari ugari aritu dira... [+]
Joan Martinez Alier (Bartzelona 1939) Ekonomia Ekologikoaren aitzindarietakoa da, Ecología Política aldizkariaren sortzaile eta zuzendaria, eta katedratikoa Bartzelonako Unibertsitate Autonomoan. Parisen COP21a amaitzean, Mexikoko La Jornada egunkarian plazaratu du... [+]
NASAko zientzialari ohi James Hansen oso kritiko agertu da Parisen egin zen COP21 bilerako akordioarekin. The Guardian kazetari adierazi dionez, karbono dioxido isuriak murrizteko lorturiko hitzarmena “iruzurra” izan da, “konpromiso hutsalak” besterik... [+]
Avaaz elkarteak COP21 klimaren goi-bileran parte hartzen ari diren zazpi “presio-taldetako” kideen argazkiak zabaldu ditu asteon Parisen, klima aldaketaren aurkako akordio eraginkorra oztopatzearren egiten duten lana salatzeko asmoz. Zazpi pertsona horien dosier bana... [+]
Mundu guzia Frantziari eta Parisko hiriari begira dago azken denbora hauetan. Bazterrak harriturik utzi ditu azaroaren 13 gauan gertatu zen sarraskiak. Adin gordineko hainbeste gizon ala emazte gazte hilik edo larriki zauriturik izan zen. Erokeria beroaren ondorio gordina han... [+]
Parisen Danoneren egoitza nagusian ekintza egin dute Via Campesinako kideek. Multinazional frantziarra mundu osoan nekazaritza industrialaren bidez "nekazariak hiltzen" ari dela salatu dute. Lerro gorria marraztu diote atean bertan.
Milioika lagun ari dira mundu osoan mobilizatzen, baita Euskal Herrian ere, lurraren berotzeak sorturiko klima aldaketak mehatxaturik dagoen gure planetaren defentsan. Askoz garbiagoak eta jasangarriagoak diren energia berriztagarrien aurrean, erregai fosilak sustatzen... [+]