Confebasken proposamenak sindikatuak baztertu nahi ditu, ELA eta LABen iritziz
“Malgutasunean” oinarritutako lan harremanetarako eredu berria berretsi zuen Confebaskek astelehenean Bilbon, 400 enpresa-jaberekin egindako ekitaldian eta Arantza Tapia Eusko Jaurlaritzako Lehiakortasun sailburuaren babesarekin. Han izan ziren halaber SEA, Cebek eta Adegi, EAEko hiru probintzietako patronaletako buruak.
Azaroan esandakoaren bide beretik aritu zen Roberto Larrañaga Confebaskeko presidentea. Besteak beste, langileen soldatak enpresen irabazien araberakoak izateko ideia jaurti zuen berriz. Horrekin batera, langileak enpresa-proiektuan inplikatu beharra azpimarratu zuen Larrañagak. “Langileak eta zuzendaritza ezin dira etengabe elkarri bizkarra emanda bizi, enpresak irautea nahi badute”. Langileen parte-hartzeak enpleguari egonkortasuna emango diola gehitu zuen.
Harreman-gune nagusia enpresa bakoitza, eta ez sektorea, izan behar dela ere esan zuen Confebaskeko presidenteak. Hitzarmen sektoriala existitu arren, enpresa bakoitzak bere arauak eduki beharko lituzke patronalaren ustez. Dena malgutasunaren onerako.
ELA eta LABen kritikak
LABen iritziz berritasun gutxi dago Confebasken proposamenean: “Berri izena eman diote orain arte egun duten bidea egonkortu eta sakontzeari”. Patronalaren asmoek prekarietatea areagotzea beste ondoriorik izango ez dutela dio LABek, eta mesfidati hartzen du langileak enpresaren parte izateko deialdia. Izan ere sindikatuak jokalekutik kanpo nahi izatea leporatu dio sindikatuak Confebaski: “Ze kolaboraziori buruz hitz egin dezake gehiengo lan sindikala lan harremanetatik kanpo utz nahi duen patronalak?”.
Eusko Jaurlaritza eta Confebask eskutik helduta doazela salatu du ELAk. Biak gizarte eredu beraren alde ari direla uste du sindikatuak: “Eredu horren barruan ez dago lekurik nortasun kolektiboen ordezkaritzarako, sindikatuen ordezkaritzarako alegia”.
Bai patronalari bai gobernuari harmonia sozialaren aldeko mezuak zabaltzea aurpegiratu die ELAk, “noiz eta lan-baldintzak objektiboki guztiz prekarioak direnean; prekarietatea sektore pribatura nahiz publikora hedatu da sekula ez bezalako neurrian”. Jaurlaritzaren politikek, egoera konpondu beharrean, areagotu egiten dute, ELAren esanetan: “Patronalaren aldeko mezuak zabaltzen dituzte, prekarietatea ditu publikoz bultzatu, enpresei gero eta zerga gutxiago ordaintzen lagundu…”.
.jpg)
Barakaldoko Udalak 11.800 euroko isuna ordaintzea eta gauez hiru hilabetez ixtea exijitu dio Bizkaiko enpresari. Abuztuaren amaieratik txistu etengabe, desatsegin eta jasangaitza igortzen du inguru zabalean entzuten dena.
Gasteizko Mercedeseko langileek bederatzi orduko bi txandetan egingo dute lan aste bitartean, eta larunbat goizetan zortzi orduz, 2025eko martxotik aurrera. Hori da enpresako patronalak iragarri duena iragan astean, gehiengo sindikala aurka azaldu bada ere. Osasunerako eta... [+]
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Palestinako BDS mugimenduaren presioaren eta eskala handiko boikot kanpaina baten ondoren hartu du erabakia Carrefourrek. Izan ere, finantza-galera erraldoiak sortu dizkio kanpainak, eta enpresaren ospea kaltetu du.
Enpresek presio handia egin dute azken boladan eta “inbertsio estrategikoak arriskuan egon daitezkeela” mehatxu egin zuten. Iberdrolako presidenteak ordea, zerga honek bere kontuetan “oso gutxi suposatzen duela” adierazi zuen duela aste bi. Bankuen... [+]
Iberdrolak 5.472 milioi euroko etekinak izan ditu aurten irailera arte, eta bere aurreikuspenen arabera 2024an errekor berria jarriko du irabazietan: iaz baino %14 gehiago. Repsolek uztailerako 1.626 milioi euro zeuzkan poltsikoan, eta 2023an irabazitako 3.168 milioiak aurten... [+]
Urriaren 15ean, lan arloko ekonomialarien topaketetan, mahai inguru interesgarri bat egin zen. Patronalak, Gizarte Segurantzako Institutu Nazionalak eta sindikatu batek parte hartu zuten. Eztabaidagaia lan munduan gero eta oihartzun handiagoa duen absentismoa izan... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
Apirilean egin zituzten hogei langilek Facebooken azpikontrata den CCC Barcelona Digital Services enpresaren aurkako salaketak, oinarrizko eskubideak urratzen dituztela adierazi zuten langileek, gaur egun mila inguruk salatu dute. "Gestapo" gisa definitzen dute lan... [+]
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]
2023ko maiatzean iragarri zuten Volvo multinazionalak inbertsio handia egingo zuela Nafarroako Sakanako autobus enpresan. Orain, ordea, akordioa bertan behera gelditu dela adierazi dute bi enpresek.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Palestinarekin Elkartasuna plataformak antolatu zuen protesta, CAFek "palestinar lurren okupazioan eta kolonizazioan duen erantzukizuna salatzeko". Berriz exijitu diote enpresako zuzendaritzari ez dezala parte hartu Jerusalemen tren arina eraikitzeko proiektuan.