Cheikhounak botako du sanferminetako “txupinazo herrikoia”
Herri Sanferminek antolatu dute txupinazoa, Iruñerriko "kultur aniztasuna aldarrikatzeko". Egitarau zabala aurkeztu dute "herritarrak protagonista" dituen "bestelako jai eredua" sortzeko.
Egun eta erdi baino ez da falta sanferminak hasteko, txupinazoa bota eta bederatzi egunez bestari ekiteko. Horregatik, egitaraua eta guneak aurkeztu dituzte Herri Sanferminek, bai eta "herri txupinazoa" nork botako duen ere: Txantreatik kanporatu nahi duten Cheikhounak piztuko du suziria, uztailaren 6an bertan, 14:30ean, Errekoletak plazan. "Kultur aniztasuna aldarrikatzea" da txupinazoaren xedea, aniztasuna baita, "gainerako baloreekin batera", herri sanferminen "lan ildoetako bat". Cheikhounaren kasuak hautsak harrotu ditu, eta, horren aurrean, Atzerritarren Legea onartuko ez dutela adierazi dute Herri Sanferminetako ordezkariek.
Auzolana erdigunean
"Masifikatutako" sanferminen aurrean, eta kontsumismoari eta eraso matxistei aurre egin nahian, "bestelako jai eredua" aldarrikatu dute: "hurbila, auzolanean eraikia eta herritarrak protagonista izango dituena". Hori guztia, urte osoan landutako baloreak ardatz: "feminismoa, ekologia, parte hartzea, aniztasuna, kultura, euskaltzaletasuna, antikapitalismoa, auzolana...".
Jantoki ekologikoa, martxan
Horrez gainera, bertako produktuekin hornitutako jantoki ekologikoa prestatu dute eta menuak, ogitartekoak, errazioak, pizzak eta hamarretakoak emanen dituzte.
Berrikuntza: herri olinpiadak
Okojoko herrikadak izeneko herri olinpiadak aurkeztu dituzte, "mota askotako probez" osatuak. Hilaren 8an,10ean,11n eta 12an izanen dira, arratsaldez, "zezenketen alternatiba" izateko helburua dutelako. 7ko herri bazkarian eginen dute taldeen aurkezpena eta 14an, berriz, sari banaketa.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]
Angel Blanco da kartelaren egilea eta bigarrenez irabazi du saria, 2009an ere jaiak iragarri zituen. 635 kartelen artean 10 hautatu ditu epaimahaiak eta 10.018 boto jaso dira irabazlea erabakitzeko.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Uztailaren 6tik 10era bitarte 11.261 dei erantzun dituzte SOS Nafarroaren 112 zenbakian. Besteak beste, entzierroaren osasun azpiegitura koordinatzen da zerbitzuaren egoitzatik.