EH Bilduren talde parlamentarioak Iñigo Cabacas gaztearen hilketari buruzko ikerketa batzordea sortzeko proposamena eraman du Eusko Legebiltzarrera. Proposamena ez da aurrera atera, gainontzeko alderdi guztiek kontra bozkatu dutelako.
2012ko apirilaren 5ean Ertzaintzak tirokatutako gomazko pilota baten erruz hil zen Iñigo Cabacas basauriarra Athletic-en partidu baten ondoren.
Hilketa hori argitzeko batzordea sortzea errefusatzeko, EAJk EH Bilduri leporatu dio "egia ez bilatzea" eta Ertzaintza "higatzen" saiatzea.
Gainontzeko talde parlamentarioek ere (PP, PSE-EE eta UPyD) ez dute beharrezko ikusten EAEko Legebiltzarrak auzia ikertu dezan, Bilboko epaitegi bat kasua ikertzen ari dela argudiatuta.