Botiken berrordainketa ezartzea beste biderik ez dutela esan du Erkorekak
Eusko Jaurlaritzako bozeramaile Josu Erkorekak adierazi du botiken berrordainketa aplikatzea beste aukerarik ez duela ematen legeak. Data zehatzik eman ez duen arren, Erkorekak esan du urtea amaitu aurretik martxan jartzea espero dutela.
Berrordainketa urtea amaitu baino lehen jarriko da martxan EAEn.
Espainiako Gobernuak onartutako neurrien ondorioak arintzeko kolektibo batzuek –jubilatuek, esaterako– jaso ditzaketen gizarte laguntzei dagokienez, Jaurlaritzako bozeramaileak esan du aukera hori aztertzen ari direla.
Nafarroan, botiken berrordainketa iazko uztailean jarri zen indarrean.