Bilbo, Erandio, Soraluze, Gasteiz eta Durangon gertatu dira erasoak, asteartea eta asteazkena bitartean. Erasotzaileak 18 eta 49 urte arteko gizonezkoak dira.
Gasteizen, 49 urteko gizonezko bat atxilotu zuten asteartean, bikotekide ohia jipoitu eta mehatxatzea leporatuta. Antza denez, aitak 13 urteko alabari zaplazteko bat eman ostean, gurasoak eztabaidan hasi ziren. Jarraian, gizonak ama jo eta hormaren kontra jarriz mehatxatu zuen.
Durangon ostera, adin txikiko bat identifikatu dute 18 urteko bikotekide ohiari eraso egiteagatik. Ertzaintzak jakinarazi duenez, gazteak kolpe bat jaso zuen aurpegian eta Galdakaoko ospitalera eraman zuten.
Andereak talde feministak deiturik elkarretaratzea egingo dute ostegunean Durangon, azken eraso matxista gaitzetsi eta biktimari babesa erakusteko. Soraluzeko Udalak eta Korner Morea talde feministak ere elkarretaratzea deitu dute egun bererako.
Bilbo, Erandio eta Soraluzeko erasoen berri hemen.