Pijama, txandala, soinekoa, polizia-uniformea… 18 konjunto dira denera, biktimek eurek deskribatutako arropak ahalik eta fidelen islatzen dituztenak. “Bortxaketaren kulturaren baitan dauden estereotipoak apurtu nahi ditugu, ‘zer zeneraman jantzita?’ galdera unibertsala delako, bizi zaren lekuan bizi zarela errepikatzen dena, eta biktimak erasotzailea probokatu duela iradokitzen duena. Inportantea da guretzat jendeari gogoraraztea galdera hau alferrikakoa eta kaltegarria dela, eta denok garela aske nahi dugun moduan janzteko”, adierazi dute antolatzaileek.