Blanca Marquesen hilketa salatzeko jende oldea atera da kalera Iruñean
Euskal Herriko Emakumeen Mundu Martxak deitutako protesta izan zen iluntzean Iruñeko udaletxeko plazan. Nafarroako Gobernuak protesta jauregiaren parean egin zuen.
Hilketa matxistaren aurkako elkarretaratze jendetsua egin dute Iruñeko Udaletxe Plazan (argazkia: Euskalerria Irratia).
"Bestelako gizartea eraiki behar dugu", nabarmendu du Nafarroako Gobernuko Lehendakariak. "Hilketa onartezina da", esan du. "Elkartasuna eta laguntza guztia izanen dute Blanca Marquesen familiak", nabarmendu du Uxue Barkosek.
Iruñeko udaletxeko plaza mukuru bete zer emakumeenganako indarkeria guztiak salatzeko. Burlatako emakumearen hilketa gaitzetsi eta indarkeria matxistarekin nazkatuta daudela salatu zuten.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.