Birziklapenaren aldeko apustua egin eta erraustegia gelditzea eskatu dute milaka lagunek Donostian
Erraustegiaren Aurkako Mugimenduak antolatutako manifestazioak Donostiako kaleak zeharkatu zituen larunbat arratsaldean. Babes zabala izan zuen eta, besteak beste, irakasleen eta sendagileen oharpenak entzun ziren ekitaldi amaieran. Gipuzkoako Foru Aldundiari eta batez ere buru den Markel Olanori mezu bat igorri nahi izan zieten Bulebardean bildutakoek: indarrak birziklapenean jartzea, eta ez hondakinak zuzenean erretzea.
Hamasei urte igaro dira diputazioak erraustegiaren proiektua iragarri zuenetik antolatzaileek azaldu dutenez. Orduan, Gipuzkoako birziklatze tasa %20koa zen eta hainbat herritan hasiak ziren jada gaikako bilketa egiten. Zabor nahasi gutxiago pilatzea posible dela frogatzeaz gain, birziklatze tasa %80koa izatea aukera sendoa dela nabarmendu dute antolatzaileek. Hori bai, borondatea eta bitartekoak jartzea ezinbestekoak dira helburua lortzeko.
Birziklapen tasa txikiak dituzten herriei eta hiriei aitzakiak amaitzen ari zaizkiela esan dute ekitaldi amaieran irakurritako mezuan: “Donostian, esterako, herritar bakoitzak batez beste 288 kilo igortzen ditu urtero zabortegira; hondakinak gaika biltzen dituzten eskualdeetan, aldiz, %77 eta %88 artekoa da birziklatze tasa”. Arrasaten funtzionatzen duen sistema bada, Eibar bezalako herri handi batean ere “berdin berdin” eraginkorra izan daitekeela diote. “Jar ditzala indarrak emaitza horiek lortzen, eta ez alferrikako azpiegitura kutsakor eta garestia eraikitzen. Lehenbizi, lortu %80 [birziklatzea], eta gero ikusiko dugu zer egin geratzen denarekin, baina ez alderantziz”.
Lasarte-Oriako Garaikoetxea-Landaberri ikastolako bi irakaslek euren egoera azaldu zuten eta hezkuntza zentrotik 500 metrotara erraustegi bat izateak izan ditzakeen ondorioak nabarmendu zituzten: “Nitrogeno oxidoak, karbono monoxidoak, metanoa, dioxinak… arnastuko ditugu. Gainera, goi tentsioko lineak eraikiko dira gure ikastetxetik hurbil. Eremu kutsatu batean dagoen ikastetxe bat onartu behar al dugu?”.
Mediku talde batek ere hartu zuen hitza eta irakaslek esandako lerro beretik jardun zuten erraustegiaren inguruko kalteez: “Malformazioak, erditze goiztiarrak, abortuak, gaixotasun kardiobaskularrak, arnasbideetakoak eta hainbat minbizia izateko arriskua areagotu egiten da erraustegi bat alboan bada”.
Erabakigarritzat jotzen dute albiste baten berri ere gogorarazi zuten. Europako Parlamentuak urtarrilaren 17an, erraustegiak diruz laguntzeari uztea erabaki zuen, “erraustegien finantzaketa iturri nagusia kolpatuz”.
Ainhoa Intxaurrandietari eta Iñaki Errazkini babesa
Manifestaziora gerturatutakoek babes zabala adierazi diete 2013ko azaroan erraustegia geratzeagatik epaituko dituzten garai hartako Gipuzkoako Hondakinen Kontsortzioko lehendakari Ainhoa Intxaurrandietari eta Foru Aldundiko diputatu Iñaki Errazkini. “Iñaki eta Ainhoa, zuekin gaude!” oihuak entzun ziren Bulevardeko kioskoan eta gogorarazi zuten apirilean egingo den epaiketa erabat “lotsagarria” dela. “Epaitzekotan epai ditzatela ustelak, lapurtzen dutenak eta gure erraustegian izugarrizko dirua xahutuko dutenak”, esan zuten antolatzaileek.
ETBk erraustegiaz eztabaidatu dezan
Erraustegiari buruzko eztabaida kaletik telebistara eraman nahi du Erraustegiaren Aurkako Mugimenduak. Horretarako sinadura bilketa abiarazi dute eta dagoeneko, 6.100 atxikimendu bildu dituzte. Ipar Haizea plataformak jarri du martxan egitasmoa eta change.org webgunean eskaria sinatu baino ez da egin behar helburua lor dadin. Antolatzaileek sinatzeko deia zabaldu zuten, ETB guztiona baita eta eztabaida plaza bezala herritarrok eskuragarri izan behar dugula nabarmendu zuten.
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.
Lasarte-Oriatik Zubietako erraustegira martxa deitu du Errausketaren Aurkako Mugimenduak apirilaren 29rako, 11etan abiatuta, "Erraustegia, airea, ura eta lurra kutsatzen" aldarripean, aipatu plantaren "errealitate kutsatzailea" agerian uzteko. Herritarrak... [+]
Azaroaren 19an goizerako hitzaldi berezia antolatu du Hernanin Zero Zabor elkarteak: Holandako ToxicoWatch fundazioak Zubietako erraustegiaren kutsaduraz 2021ean bildutako laginekin egin duen txostena oinarri hartuta, Errausketaren Aurkako Mugimenduko bi kidek datuak eta... [+]
Abenduaren 20ko Bergarako Ohiko Udal Batzarrean mozioa aurkeztu dute bi herritarrek eta gaia eztabaidatu dute ondoren udaleko alderdi politikoek eta herritarrek. Mozio horrek laburtzen ditu Bergarako erraustegiaren auziko puntu nagusiak.
Ekologistak Martxan taldeko ordezkariak Greene enpresari aurpegiratu dio “gezurretan” aritzea eta herritarrei “datuak ezkutatzea”; hondakinak pirolisi bidez tratatzearen kalteez ohartarazi du. Proiektuaren arduradunek, ordea, plantaren... [+]
Ekologistak Martxan mugimenduak deituta elkarretaratzea egin dute Bergaran azaroaren 4 iluntzerako, herri horretan paper fabriketako hondakinak gasifikazioz tratatzeko eraiki nahi duten plantaren kontra. Talde hau izan da hondakin planta berri hori ere erraustegia dela seinalatu... [+]
Donostiako Kontxako badian giza katea egin dute irailaren 12an, estropada ospetsuen bigarren jardunaldia baliatuta. Zubietako erraustegiak klima aldaketa bultzatzen duela nabarmendu dute.
Erraustegiaren Aurkako Mugimenduak ekitaldia antolatu du larunbat honetarako, martxoak 27: Zubietako erraustegira joatera animatu ditu herritarrak, Errausketarik ez, ez hiri hondakinak, ez industrialak lelopean protesta egitera.
Donostiako erraustegiaren afera ikertzen jarraitzen duela adierazten duen oharra bidali zuen Europako Parlamentuko Eskaeren Batzordeak, maiatzaren 11n. Aldiz, Asensiok maiatzaren 28an kontrakoa zabaldu zuen, batzorde horrek GuraSOSek eskatutakoa atzera bota zuela esanaz... [+]
Zaldibarko zabortegiaren hondamendiak eta Mutiloako zabortegia ixteak behartuta, Eusko Jaurlaritzak Agindua atera berri du, orain arte zabortegietara bideratutako hainbat hondakini beste irteera bat emateko. Paper industriarekin lotutako 102.500 tona hondakin erretzea da... [+]
Gipuzkoako erraustegia piztear direnean, larunbatean Donostian egingo den manifestaziora deitu du Errausketaren Aurkako Mugimenduak: “Ez inori eta ez ezeri kasu egin gabe, azkenean Gipuzkoako agintari politikoek eta korporazio handiek egin dute nahi zutena. Proiektu... [+]
Gipuzkoako mugimendu sozial, politiko, sindikal eta ekologistako kideek osatzen dute Larreko (larrialdi ekologikoari aurre egiteko) mahaia. Otsailaren 29an, 17:00etan Donostiako Easo plazatik aterako den manifestazioa antolatu dute. "Osasuna, ekonomia eta klimagatik, ez... [+]
