Bilboko Udalak 1.475.000 euroko lana esleitu zuen lehiaketa publikorik gabe
Lehiaren Euskal Agintaritzak arrazoia eman dio EH Bilduri 2014an Bilboko Udalari jarritako salaketaren harira. Udalak Metropoli Fundazioari 1.475.000 euro eman zizkion lehiaketa publikorik gabe 2012an.
Hiriburuko Udalak 2012an hitzarmen bidez Auzo Bihotzak proiektuaren diseinu-lana Metropoli Fundazioari esleitu izana salatu zuen koalizioak orain hiru urte. Orduan 664.000 euroko zifrak aipatu zituzten, baina gaur 1.475.000 eurora arteko ordainketak aipatzen dira. Aitziber Ibaibarriaga EH Bilduko bozeramaileak (2014an Bilboko Udalean zinegotzi zena) egin du Lehiaren Euskal Agintaritzak argitaratutako txostenaren irakurketa: “Txostenak dio arrazoia daukagula. Diru hori, 2014an salatu genuen bezala, nahierara eman zen. Guk 700.000 euroko ordainketa izan zela pentsatu genuen baina, gure harridurarako, ia milioi eta erdi ordaindu zitzaion fundazioari nahierara. Txosten horrek bere egunean gobernuak eman zituen argudio guztiak baliorik gabe uzten ditu. Fundazioari diru hori ordaintzeko erabilitako argudioek, beraz, ez daukate inolako oinarririk. Irabaziak lortzeko asmo bat zeukan eta fundazioak enpresa baten moduan funtzionatzen zuen. Izan ere, hainbat urtetan haien etekinak jarduera merkantiletik heldu ziren”.
Bilboko Udalak 2014ko salaketaren ondotik adierazi zuen lan hori egin zezakeen bakarra Metropoli Fundazioa zela, eta horrela argudiatu zuen lehiaketa publikorik egin gabe lan hori esleitu izana. Txostenak dio, ordea, argudio horrek ez duela oinarririk, eta interes orokorra bermatzeko administrazioaren modurik egokiena esleipena konkurtsora ateratzea dela, aurkeztutako enpresek aukera berdintasuna izan dezaten.
Alkatearen agerraldia eskatu du EH Bilduk
Bilboko alkateari eta Udal Gobernuari koalizioak galdetu nahi dio “zergatik defendatu zuten behin eta berriro fundazio horri dirua ematea”, eta ea Lehiaren Euskal Agintaritzaren txostenak ondorio politikorik izango ote duen. Horrekin batera, eskatuko dute lehiaketa publikorik gabe egindako hitzarmen hori bertan behera uztea.
Jaime Gómez-Obregón ingeniariak oso tresna baliagarria sortu du Jaurlaritzaren diru publikoaren erabileraz gehiago jakiteko. 2018tik 2022ra erakunde horrek hedabideen artean banatu dituen publizitate kanpaina guztien datuak prozesatu, aletu eta era ulergarrian... [+]
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
Euskarazko hedabideei euskara sustatzeagatik legez dagokien dirulaguntzak Eusko Jaurlaritzarekin negoziatzen luze aritu da Hekimen, Euskal Hedabideen Elkartea. Baina euskarazko komunikabideentzat lortutako dirulaguntza nahikoa ez den bitartean sektorea egonkortzeko, 6 milioi... [+]
Donostiako udalbatzak legegintzaldiko azken ikasturteari hasiera ematen dioten ondasunen aitorpena aurkeztu du Gipuzkoako Aldizkari Ofizialean. Donostiako alkateak eta zinegotziek adierazi dute 24 etxebizitza dituztela –jabetzan edo partekatutako titulartasunean–, 9... [+]
Eusko Jaurlaritzak uztailaren 5ean egindako Gobernu Bileran erabaki zuen Kultura eta Hizkuntza Politika sailaren bitartez 15.000 euroko diru-laguntza ematea Elkano Fundazioari.
Xabier Cuellar 2011tik da Trapagarango alkate, eta agintean izan den hamar urteotan "justifikatu gabeko otordu, edari eta joan-etorrietan" 38.930 euro xahutu dituela salatu du EH Bilduk.
Gasteizko Desamparados jantoki soziala itxi ostean, handitu egin da Udalaren ardurapean dagoen Arquilloseko jankideen kopurua, 30etik 50era. Antzeko zerbitzua eskaintzeko langile gehiago eskatzen dizkie Udalak azpikontratei, baina Arquillosen ez du langile gehiago jarri, ESK... [+]
Jaurlaritzako Ingurumen sailak 2016ko apirilaren 11ko ebazpenaren bidez, aldaketa batzuk egin zizkion erraustegiaren Ingurumen Baimen Bateratuari. Ebazpen hori ez dago publiko eginda buletin ofizialetan. ARGIAk egin du publiko herritarren eskura egon dadin.
Anerreka Ingurumen Elkarteak Jaurlaritzako Ingurumena sailari eskatu dio Donostiako erraustegiak orain arte airera isuri dituen gai kutsakorren kopuruari buruzko datuak eman diezazkiola eta orain arte ez du inolako erantzunik jaso. Erraustegiak Ingurumen Baimen Bateratua... [+]
Astearte honetan publiko egin due ohar baten bidez, Osakidetzak aitortu du COVID-19 positiboak zenbatzeko orain arte erabili dituen neurketa-irizpideak aldatu egingo dituela. Antigeno-testen bidez lortutako positiboak ez ziren zenbatzen eta ospitaleratze-datuetan ere, benetako... [+]
Bilboko Radio Popularri egindako adierazpenetan, Itxaso Atutxa EAJren Bizkai Buru Batzarreko presidenteak azaldu du “higadura eta eskari pertsonalak” izan direla bi sailburuak euren postuetatik kentzeko arrazoiak.
Kapital txinatarraren esku dagoen Urbaser enpresak esleipen publiko berri bat lortu du Gipuzkoan: Donostiako bizikleten alokairu publikoa kontrolatuko du hemendik aurrera. Enpresa bera da Zubietako erraustegiaren onuradun nagusienetakoa.
Bilboko Udalak baimena eman du Arte Ederren Museoaren obrak geurtz has daitezen. Berrikuntza proiektua Norman Fosterrek egin du eta honen bazkide bat (Luis Fernandez-Galiano) egon zen adjudikazio publikoa erabaki zuen epaimahaian.
Europar Batasuneko Kontu Auzitegiak astearte honetan ohartarazi duenez, Espainiako Estatuak "gutxienez hogei urtez" itsas eta lurreko bideen menpe jarraituko du merkantzien mugaz gaindiko garraiorako, Europako trenbide sarearen oinarrizko interkonexioen garapenean... [+]
Eurokopako hainbat partida Bilbon jokatzea 5,5 milioi euro kostatuko da. Horietatik 2 milioi euro Bilboko Udalak ordainduko ditu, eta Bizkaiko Foru Aldundiaren eta Eusko Jaurlaritzaren artean 1,5 milioi euro jarriko dituzte. UEFAk ordainduko ditu beste 2 milioi euroak,... [+]