Bilboko Piztiak konpartsa: “Etorkizuna zezenketarik gabeko hiria da”
Piztiak konpartsako Ane Ligero eta Loreto Errazti txupinera ohia irmo mintzatu dira Bilbon oraindik ere jasotzen diren animaliadun ikuskizunen inguruan. Pribilejioak eta Udalaren eta erakundeen pasibotasuna kritikatu dituzte.
Urtero bezala Udalak zinegotziei zenzeketara joateko bonoak banatzea salatu du Ane Ligerok. Izan ere, Bilboko EH Bilduk Aste Nagusia baino lehen salatu zuenez, Udalak 40.000 euro "xahutu" ditu EAJ, PSEE eta PPko zinegotzi eta erretiratuen elkarteentzeko sarreretan. Loreto Erraztik, bere aldetik, probilejioak gaitzetsi ditu, "ez du zentzu handirik elite horretan daudenak bakarrik zezenketara joatea".
Belaunaldien arteko "errelebo" edo transmisioa ez dela egon aipatu du txupinera ohiak. "Ez da lortu gazteak hara [zezen plazara] joatea". Beraz, etorkizuna zezenketa gabeko hiria izango dela baieztatu du.
Animalienganako errespetua areagotzen omen doa, hala mintzatu da Ane. Hala ere, erakundeen pasibotasuna kritikatu du, "ez dira mugitzen". Bilbo inguruko herrietan aurrerapausoak ematen ari dira apurka. Getxon eta Barakaldon zezenketak debekatuta dituztela jakitera eman du Erraztik, eta Bilbok ere horrelako neurriak hartu beharko lituzkeela esan du, "nahiz eta vegan friendly hirian ez bihurtu".
Borroka "luzearen" ondoren alternatiba barazkijalea Aste Nagusira heltzea lortu du konpartsa animalistak. Aurten 42 taldek izena eman dute orain arte txapelketa gastronomikoan lehiatu den lehenengo errezeta barazkijalean, patatak saltsa berdean, hain justu. Albistea "oso pozik" jaso zutela aitortu du Anek, eta aurrerantzean aukera hori "sendotzen" jarraituko dutela esan du Erraztik. "Saiatuko gara sukalki honekin Areatzan jende gehiago konkistatzen".
Amaitzeko, Piztiak konpartsak zezenketen kontrako ekintzetan soilik parte hartzen ez duela argitu dute. Bi konpartsakideen arabera, azken urtean egindako ekintzak kanpaina beraren barruan daude, eta animalien alde sustatu dituzten ekimenak azaldu dituzte.
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Zezenak torturatu eta hilko dituzte aurten ere Donostiako Aste Nagusian, hiru egunez. Arte y Cultura BMF enpresak iragarri ditu Illunben aurten egingo dituzten zezenketak, eta Aste Nagusiko bigarren asteburuan izango dira, abuztuaren 15ean, 16an eta 17an (18:00etan).
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]
Antiespezismoa akademiara hurbiltzeko asmoz zenbait ikertzaile eta ikasleren artean ‘Animalia ikasketa kritikoen EHU/UPVko I. kongresua’ antolatu dute martxoaren 20tik 22ra Leioan.
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
Ez nuen usteko egun batean zozoarekin komunikatzeko gai izango nintzenik. Miraria duela bizpahiru urte gertatu zen. Atarian geundela, zozo bat zalapartan entzun zen baratzean, zer arraio zen begiratzera joan eta erdiko pasabidean katua, ondoan tomate-makila gainetik txoria... [+]
AnimaNaturalis eta PETA erakundeak antolatu dute protesta, Udal Plazan 12:00etan, festak hasi baino egun bat lehenago. Nafarroako, Espainiako eta Europako aktibistak elkartuko dira. Manifestazioa AnimaNaturalisen “odolik gabeko Sanfermin” kanpainaren barruan dago.
Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.
Cristina Lage Turismo zinegotziak Urrezko Maskorra saria eman dio berriki Roca Rey toreatzaileari, 2022ko Aste Nagusian faenarik onena egiteagatik. Horren aurrean, Eguzki Erakunde Ekologistak salatu du Donostiako Udaleko zinegotzi batek toreatzaile bati sari bat emateak... [+]
Alemanian oilaskoak hazten dituen etxalde erraldoi bateko irudiak zabaldu ditu Equalia GKE-ak. Bertan irregulartasun ugari atzeman daitezke, bereziki animalien aurkako tratu txarrak eta pilaketak, non bizirik dauden txitoak ondoan hilda daudenak jatera iristen diren. Lidl... [+]