Jone Artola txupinera izateko galerazpena baliogabetu du auzitegiak. Konpartsek epaia baikortzat jo duten arren azaldu dute haientzat ez duela "baliorik" eta Bilboko jai eredu horrelako erasoen aurrean "blindatuta" dagoela.
Bilboko Konpartsek "hasieratik" jakin dute 2013ko txupineraren hautuan ez zegoela "legez kanpoko ezer". EAEko Auzitegi Nagusiak konpartsei "arrazoia eman" dietela jakin ostean, "etengabe jaia izorratzen" dabiltzanei "ez zaituztegu nahi" esan diete hainbat konpartsakidek Arriaga plazan buruturiko agerraldian.
EAEko Auzitegi Nagusiko Administrazioarekiko Sailak atzo bertan jakinarazi zion Bilboko Konpartsak Federazioari baliogabetu egin duela 2013ko txupineraren hautuaren gaineko erabakia, "ez baitu horretan legez kanpoko ezer aurkitu".
Konpartsek "hasieratik" jakin dute Txori Barrote konpartsako Jone Artola konpartsakidearen hautaketan ez zegoela legez kanpokorik. Eta "arrazoia eman diguten arren", konpartsek prozesuaren hasieratik esandakoa berretsi dute gaur berriro Arriaga plazan: "Azken epaia gorabehera, ez dugu zuen azpijokoa onartzen". Izan ere, Oihana Pascual eledunaren esanetan, "guretzat ebazpen honek ez du baliorik, ez interesik, ebazpena eman duen aretoari ez baitagokio gai honen inguruan erabakirik hartzea". Beste behin, errepikatu nahi izan dute Aste Nagusia eta jai ereduaren kontra egindako erasoak "ez duela urratuko bilbotar guztiok batzen gaituen jaiarenganako idilioa".
2013an Jone Artolaren hautaketaren aurka agertu zen Carlos Urkijo Gobernuko ordezkariari eta salaketa aurkeztu zuen Estatuaren abokatuari zeharka egin diete erreferentzia agerraldian. "Etengabe jaia izorratzen" ibiltzea leporatu diete konpartsakideek, eta argiro esan diete "ez zaituztegu nahi". "Zorionez", erantsi dute, "Bilboko jai eredua leloen ergelkeriak jasateko blindatuta jaio zen".
Hiru urtez luzatu diren "asmo ilunak" Bilboko Konpartsek "kolore" bihurtuko dituzte, "kolore baikara", adierazi dute konpartsakideek soinean zeramaten "Aste Nagusia defendatuz" dioen kamiseta beltza erantzi eta azpian zeramaten koloretako kamisetak erakutsi dituztenean. "Hamaika dira gure koloreak; eta guk, konpartsok, hamaika kolore horiek elkartu eta indar batez jarraituko dugu Aste Nagusiaren oinarri den jai ereduaren alde lanean eta borrokan".
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
2024ko Aste Nagusiko Txupinera eta Pregoilaria nortzuk izango diren iragarri du, gaur arrastian, Bilboko Jai Batzorde mistoak. Nagore Ugarte eta Itziar Ituño izango dira, hurrenez hurren, aurtengo Txupinera eta Pregoilaria.
Azken asteetan txosnen harira eztabaidaren erdian egon diren Mugimendu Sozialistako eragileek –Gasteizko GKS eta Etxebizitza Sindikatuak, eta Bilboko Luberri konpartsak– prentsaurreko bateratua eman dute ostegun goizean Gasteizen. Nahiz eta ukatu egin dituzten... [+]
Lehengo astean Gasteizko Txosna Batzordeak egin bezala, Bilboko Konpartsen federazioak ere erantzun egin dio duela bi aste 150 kulturgilek sinatutako manifestuari. Bertan, Bilboko Konpartsetan eta Gasteizko Txosna Batzordean Mugimendu Sozialistari parte hartzen uzteko publikoki... [+]
Luberri Konpartsak salatu du Mugimendu Sozialistarekin duen harremanagatik debekatu diola Bilboko Konpartsen Federakundeak parte hartzea, eta dei egin dio "erabakia birpentsatu" dezan. Ezker Abertzalea seinalatu dute ezarritako debekuaren "erantzule politiko"... [+]
Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.
Iazko jaietatik %50 bat igo dira atxiloketak, eta Bilboko alkateak “poliziaren presentzia handiarengatik” dela dio. Konpartsek polizia indarkeriaren ondorioz egindako salaketaren inguruan, Juan Mari Aburtok adierazi du ez duela haiekin hortaz hitz egin behar.
Udaletxearekin duten harremana guztiz aldatu dela eta iaz ez bezala, "konpartsen festa ereduaren aurkako erasoak" jasan dituztela salatu dute. Besteen artean, manteroen aurkako erasoak, propaganda politikoa kentzea eta kalez jantzitako polizien mehatxuak salatu... [+]
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Urteroko erantzukizunei aurre egiteko erreleboaren faltan, Bilboko Mamiki Konpartsa Feministak erabaki du 43 urteko ibilbideari amaiera ematea. Mamikik utziko duen hutsunea betetzeko asmoa duenik bada, konpartsa feminista berri bat sortzeko eraikuntza prozesua abiatu baitu... [+]
Dignidad y Justicia elkarteak jarritako salaketa tramiterako onartu du Ismael Moreno epaileak, eta konpartsaren jarduna ikertzea eskatu dio Espainiako Poliziari, Bilboko Aste Nagusian "terrorismoa goretsi" ote duen ebazteko.
Emakume batek salaketa jarri du, asteartean Bilbotik abiatutako tren batean ondoezik eta goizaldean gertatutakoa gogoratu ezinik esnatu ostean. Medikuen behaketak sexu erasoaren hipotesia indartu du, eta gertatutakoa ikertzen ari da Ertzaintza. Jaiak hasi zirenetik erasoak... [+]
Bilboko mugimendu feministak agerraldia egin du asteartean, Aste Nagusiko lehen egunean gauzatutako manifestazio feministaren aurka egindako eraso matxistak salatzeko. Gertakariek, kikildu ordez, borrokan berretsi dituztela adierazi dute. Autodefentsa feministaren aldarria... [+]
Manifestari feministek Bilboko Aste Nagusiko lehen egunean kaleak hartu zituzten, eta Arriagako zubitik Arenalerainoko bidea egin zuten Temblad cabrones! Beldurrak gurekin jai! lemapean. Bada, haietako batzuek salatu dutenez, Moskotarrak txosnatik pasatzen ari zirela edariak eta... [+]
Garazi Askazibar eta Nerea Matute gure bozeramaileek azaldu dutenez gaur goizean Bilboko Areatzaren kioskoan, Bilboko konpartsek “nekerik gabe” dihardugu “berdintasunezko jai-gune inklusiboa eraikitzeko bidean”.
Itziar Lazkano Setien eta Iratxe Palacios Gana dute izena. "Aste Nagusiaren aurreko unerik hunkigarrienetako bat bizi dugu42. Aste Nagusiko pregoilaria eta txupinera, aurkeztu ditugu", adierazi dute Bilboko Konpartsek. Irakurri beren oharra osorik.