Narkotrafikatzaile kolonbiarren kontrako operazioan atxilotu du Guardia Zibilak Aburtoren bizkartzaina. Lehenago, Bilboko alkate izandako Iñaki Azkuna eta Ibon Aresoren bizkartzain ere aritu zen lanean udaltzain hori. Fidantzarik gabe eta karguekin aske dago uneotan. Akusazioaren berri izatean, Udalak "beharrezko prozesu administratiboa" abiatuko duela azaldu du Aburtok.

Adierazpenok astearte goizean egin ditu Bilboko alkateak, Hiriko segurtasunari buruzko 2016ko txostena aurkeztu baino lehen.