Bilbo Zaharra “biziberritzea eta hauspotzea” helburu izango du Xake espazioak
Xake espazioa Bilbo Zaharrean "auzoa biziberritzeko eta hasupotzeko" sortutako proiektua da. Joan den abendutik daramate auzokideek alokatutako lonja berritzen eta auzotarrentzako proiektuak garatzen, eta larunbatean Xake Festa egingo dute plazan.
"Auzotik auzora" eraikitako espazioa da Xake, azaldu dio URIOLAri bertako kide den Mikel Etxaburuk. Joan den abenduan Bilbo Zaharreko plazan taberna eta lonja bat alokatu zituzten auzokideek, "auzoa biziberritzea eta hauspotzea" helburu dutenak. Taberna astebururo daukate irekita, baina oraindik lonja berrizteko lanetan ari dira. Laster auzotarrentzako erabilgarri izango dutela aurreratu dute, umeentzako ludoteka, hitzaldiak, ospakizunak, bilerak, aurkezpenak, erakustaldiak… egiteko prest.
Proiektua garatzeko auzoko gainontzeko eragile eta elkarteekin elkarlanean ari badira ere, ez dute "beste elkarte bat" izan nahi. Helburua "auzokideen arteko sinergia bateratuak” sortzea da, "indarrak bildu eta auzokideak aktibatzea". "Ahalik eta nortasun gehien" bildu nahi dituzte, eta horretarako auzolana eta autogestioa "ezinbesteko tresna" direla azaldu dute.
Xake Festa
Larunbat honetan, maiatzak 20, Xake Festa ospatuko dute Bilbo Zaharreko plazan. "Plaza dugu bihotz; elkarlana taupada" lelopean, egun osoko egitaraua antolatu dute. Besteak beste, musika, bertso bazkaria, umeentzako tailerrak, kale antzerkia, txokolotada, plaza jolasak eta kontzertuak egongo dira egunean zehar. Helburua auzokideak "plazara ateratzea" eta "nahi duten neurrian parte hartzea" da, "plazak batzen baikaitu".
Plazatik Plazara auzo diagnostikoa
Xake espazioaren oinarrietako bat "auzokideak auzoaren eraldaketaren protagonista izatea" den heinean, Plazatik Plazara izeneko auzo diagnostikoa jarri zuten martxan orain dela bi aste. Kale inkestak, buzoneoak, batzarrak… egiten ari dira auzokideek zein nolako auzoa nahi duten jakiteko. Asmoa auzoaren diagnostiko sakona egitea da, gerora identifikatutako gabeziei auzolanean erantzuteko. "Eztabaida eraikitzailea" eta "parte hartze horizontalaren" bitartez auzokide guztiei eman nahi diote aukera auzoaren inguruko iritzia emateko eta proposamenak luzatzeko.
Helburu horiek lortzeko egiten ari diren ahalgina "oso handia" dela azpimarratu nahi izan dute Xake Espazioko kideek. "Bidea ez da erraza izaten ari", azaldu dute, baina "beharra badagoela" eta duten "ilusioa gabeziak baino handiagoa" dela argi utzi dute.
Albiste hau Bilboko Uriolak argitaratu du eta CC-by-sa lizentziarekin ekarri dugu ARGIAra.
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Duela bost urte Bilboko Atxuri auzoan Voxen diskurtsoaren aurka mobilizatu ziren bederatzi gazte epaituko dituzte. Goizean bildu dira Bilboko Probintzia Auzitegiaren aurrean zenbait kide, akusatuen absoluzioa eskatzeko eta faxismoaren gorakada salatzeko.
"Nazio gisa eskubideak aldarrikatu eta herri oso bat martxan irudikatzeko" deitu dute 2025eko ekainean Bilbon egingo den mobilizazioa. Euskal Herri libre eta kohesionatu bat osatzeko "denen artean eta elkar lagunduz" lan egin behar dela berretsi du... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
GUKA Bilboko euskaltzaleen mugimenduak euskararen aldeko ekintza esanguratsua burutu du astearte arratsaldean Deustuko metro geltokian, Bilbon euskaraz bizitzeko oztopoak eta aukerak irudikatzeko.
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Latinoamerikako hainbat herri-eragiletako hamabost bat kide izango dira Bizkaia Aretoan azaroaren 14an eta 15ean Latinoamerikako Multinazionalen Behatokia OMAL-ek antolatutako topaketetan. Ekintza guztiak trantsizio ekosozialarekin lotutako alderdi desberdinak lantzen dituzten... [+]
Komunikazioa, kirola, musika edo sukaldaritza bezalako esparruetan aritzeagatik ezagunak diren Euskal Herriko txoko guztietako euskaldunekin osatu dute Euskaraldiaren enbaxadore taldea.
Donizettiren Don Pasquale opera
Taldeak: EOS eta Bilboko Operako Abesbatza.
Bakarlariak: S. Orfila, M.J. Moreno, F. Demuro, D. Del Castillo, P.M. Sánchez.
Eszena-zuzendaria: Emiliano Suárez.
Eszenografia: Alfons Flores.
Lekua: Euskalduna Jauregia.
Data:... [+]
Bilboko kaleak bete zituen mobilizaziotik urtebetera, auzitegiek euskararen normalizazioa eta hizkuntza eskubideak gutxiesten jarraitu dutela salatu du Euskalgintzaren Kontseiluak. Auzia gainditzeko euskararen "normalizazioa eta biziberritzea" ezinbestekoak direla... [+]
Jokoteknia Bideojokoen Euskal Jardunaldiaren zazpigarren edizioa azaroaren 9an (larunbata) egingo da Bilbon, Euskararen Etxean, 09:45etik 13:00etara. Jokoteknia jardunaldietan euskal bideojokogintza industriako aditu eta jokalariak batera jarri ohi... [+]
MIÑAN
NORK: Artedrama. Sambou Diaby, Ander Lipus, Eihara Irazusta, Mikel Kaye.
NON: Bilboko Arriaga Antzokian.
NOiz: Urriaren 25ean.
----------------------------------------------
Euskaraz kontatu zuten Ibrahima Baldek eta Amets Arzallusek Miñan 2019an. Bost urte... [+]
Voxek lau eta zortzi urte arteko zigorrak eskatzen ditu haientzat. 2019an, faxistek jarritako propaganda-postu baten harira egin zuten protesta.
“Kezkagarria” den egoera baten aurrean erantzuna “urgenztziakoa” dela dio Itaiak Bilbon egindako prentsaurrekoan. Eskuineko sektoreek matxismoa “neurri baztertzaileak” galdegiteko baliatzea salatu eta gizartean “kontzientziazioa... [+]