Bidador pastoralak Iruñeko Burgoen plazatik Barañaingo Auditoriora egingo du jauzi
Martxoaren 19an Joxemiel Bidador pastoralaren bigarren emanaldia ikusi ahal izango da Barañaingo Auditorioan, 20:00etan.
Lehen emanaldia urrian egin zen Iruñean, Burgoen Plazan, eta ikuskizunaren arrakasta itzela izan zen, sarrerak agortzeraino. 700dik gora pertsona bildu ziren bertan eta ikusle askok inguruko kaleetatik ahal bezala jarraitu behar izan zuten ekitaldia.
Arrakasta izan zuen antzezlanak, baita antolatzaileen artean sortutako giroak ere. Duguna Dantza Taldea, Zaldiko Maldiko, Euskaldunon Biltoki eta Karrikiri elkarteek sortu dute ikuskizuna. Lan handia eskatu die pastoralaren antolaketa osoak, baina taldeen arteko trinkotze sendoa ere ekarri die.
Orain ikusi beharko da ikuskizuna nola moldatzen den kaleko agertokitik barrukora jauzi egitean. Sarrerak jadanik salgai dira Karrikiri elkartearen Iruñeko dendan.
Azken aukera asteburu honetan 'Inexa de Gaxen' pastorala ikusteko.
Lehen aldiz ekainean antzeztu zuten Inesa de Gaxen pastorala, Bastidan (Nafarroa Beherea). Izan zuen arrakasta ikusita, xarnegutarrek irailean berriz biziberrituko dute Gaxengo Inesaren historia, irailaren 21 eta 22an, Bardozen (Lapurdi). 1.000 sarrera jarri dituzte salgai... [+]
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]
Julia Fernandez Zabaleta emakume aitzindariaren bizitza ezagutzera ematen duen pastorala larunbatean estreinatuko da, San Frantzisko eskolako jolastokian.
Aurtengo urtea emankorra izango da pastoralei dagokionez, lau pastoral emango baitira; bi Zuberoan eta beste bi Zuberoatik kanpo: Iruñean (Nafarroa) eta Xarneguko (Lapurdi-Nafarroa Beherea) zonaldean. Gure herriko lau historia ezagutaraziko dira oholtzan antzerki,... [+]
