Les Bascos elkarteak antolatu du LGBT eguna Eskubideak aitzinarazi, beldurrak gibelarazi lelopean.
Aldarrikapen eta jai eguna izango da ekainaren 18a. Egun osoko egitaraua prestatu dute. Goizetik elkarteen herrixka antolatzen hasiko dira. 12:00etatik aurrera yoga, mokadua eta musika izango dira, besteak beste. 16:00etan manifestazioa egingo dute Biarritzeko kaleetan. 20:00etatik 2:00ak arte jan, edan eta dantza egiteko aukera izango da Les Bascos elkartearen egoitzan.