San Mames (Bilbo) estadioaren aurrean jarri duten furgonetan ordaindu diete BBK Live festibaleko langileei, bukatu eta bi hilabetera.
Uztailaren bigarren astean izan zen Bilboko festibal ezaguna, eta bertako langileei hilabete bateko atzerapenarekin ordaindu diete furgoneta batean. Langile batzuek bi ordu baina gehiagoko ilara egin behar izan dute egindako lana kobratzeko.
Eragin Bilbo eragileak salatu du gertaera sareetan, eta berehala erantzun asko jaso ditu egin duten hariak: “Eskerrik asko guzti hau zabaltzeagatik. Lotsagarria”, “Penagarria. Umiliagarria. Nazkagarria” eta bestelako erreakzioak izan ditu jendeak. Horrez gain, ikasturte berrirako plangintza eratzeko asanblada irekia egingo duela zabaldu du Eragin Bilbok, irailaren 13an arratsaldeko 18:30ean, Karmelan (Santutxu).
BBK Live prekarioa
Azken urteetan festibalean behin behinekoz jardunean ibili diren langileek lan baldintza txarrak salatu dituzte. Behargin batek festibalean izan zituen lan baldintza txarrak azaldu zituen: lehenik, festibalak ez zion ordaindu nahi bere bizilekutik Bilborako bidaia. Bestalde, 12 orduko lanaldian jana eta edana langileek ordaindu behar zutela salatu zuen, eta lo egiteko kanpin denda “ziztrin” bat eskaini ziotela. Azkenik, hiru hilabete berandu ordaindu ziotela esan zuen, eta ordua 3,45 euro ordaindu ziotela.
🚨 MÁXIMA DIFUSIÓN 📢
En este hilo publicaremos información que trabajadores y extrabajadores del #BilbaoBBKLive han ido mandándonos estos últimos días.
El festival recibe 1.400.000€ por parte del Ayuntamiento del PNV-PSE mientras contrata currelas en estas condiciones ⬇️ pic.twitter.com/PhVJcVYDvJ
— Eragin Bilbo (@EraginBilbo) July 11, 2019