Bi adingabe atxilotu dituzte Basusarrin gertatutako sexu erasoaren harira
Larunbat gauean egin zioten eraso emakume adingabe bati, Basusarriko festetan. Frantziako poliziak bi adingabe atxilotu ditu, Sud-Ouest agerkariak jakinarazi duenez.
Gertatutakoa salatzeko ehun bat lagunek elkarretaratzea egin dute astelehenean Basusarrin, Isiltasunik ez! lelopean.
Larunbatetik iganderako gauean emakumeak telefonoz dei egin zion Poliziari, erasoa jasan zuela esanez.