Datozen orduetan askatuko dituzte Jose Etxeberria, Ramon Uribe, Maitane Sagastume, Juan José Zubieta, Xabier Goldaraz, Juanjo Legorburu, Jokin Urain, Manuel González eta Jesus Mari Zabarte.

Atzo, hiru

Atzo beste hiru preso askatzeko agindua eman zuen Auzitegi Nazionalak: Juan Carlos Arruti, Luis Mari Lizarralde eta Iñaki Rekarte.

Bestalde, Konstituzionalak gaur jarraituko du Iñaki Fernandez de Larrinoaren auzia aztertzen. Fernandez de Larrinoarena da Estrasburgok epaia eman zuenetik Auzitegi Konstituzioanalak aztertuko duen lehendabiziko kasua. Haren gaineko erabakiak markatuko du, beraz, beste 30 helegiteren inguruan Auzitegiak jarraituko duen irizpidea.

Auzitegi Nazionalak 33 preso utzi ditu aske

Atzoko hiruak eta gaurko bederatziak libre utzita, 33 dira Auzitegi Nazionalak Estrasburgoren epaiaz geroztik aske utzi dituen euskal presoak.

Atzo, Jaime Simon Quintela GRAPOko kidea ere aske utzi zuten.