Joan den astean ikurra ezabatu ondoren sortutako kritikei erantzunez, Villabonako alkate Iban Agirrek erabakia defendatu zuen; Tolosaldeko Atariak jaso zituen bere hitzak: “Gu ez gaude elkartasunaren kontra baina pintada hori baimenik gabe berritu da eta hori ezin da jasan. Zerbait egin behar bada herrian baimena eskatu behar da”.

Villabonako ezker abertzaleak ARGIAri jakinarazi dionez, euskal presoak Euskal Herriratzearen aldeko ikurrak “urteak zeramatzan gure herriko Malkar plazan”. Udalak ezabatu eta hurrengo egunean batzartuta erabaki zuten berriz margotzea “probokazio honi erantzuteko”.

Astelehen goizean ekin zioten hainbat lagunek ikurra berritzeari “modu publiko eta parte hartzailean”, eta bideo honetan jaso dute ekintza: