‘Berria’-rentzat diru-laguntza %14 murriztu du Jaurlaritzak
Berria 210.000 euro gutxiagorekin lagunduko du Eusko Jaurlaritzak. 1,3 milioi euro jasoko ditu egunkariak, hura sortu zenetik laguntzarik txikiena.
"Konparazio batera, Euskaldunon Egunkariak haren azken urtean jaso zuen baino 350.000 euro gutxiago dira. Erraz esaten da, baina ez da txantxetarako gaia", nabarmendu du Berria Taldeko kontseilari ordezkari Iban Arregik.
"Abisatuta geunden, abisatuta geundenez. 'Hedabide bakoitza irits litekeen herritarren artean zenbatengana iristen den aztertu', eta horren arabera banatuko zirela laguntzak esan zuen Hizkuntz Politikarako Sailburuordetzak, eta hasieratik bertatik tokiko hedabideetan jarri zuen lehentasuna".
"Puntuak emateko eta kentzeko erabilitako neurri zehatzak oraindik ezagutu gabe, esan daiteke sektorea bere osotasunean babestuko eta garatzen lagunduko duen laguntza politikarik ez dugula, are gutxiago aurtengo ebazpenarekin", kexu da Arregi.
"Esaten da estrategikoa dela sektore hau, esaten da sektoreko gainontzeko azpisektoreen moduan behar duela herri honek egunkari nazionala ere, baina horretarako bermerik ez du eskaintzen gero Eusko Jaurlaritzak".
Estitxu Eizagirre, ARGIA: "Denok behar ditugu jaso ditugunak eta gehiago; gutxiago ez"
Jaurlaritzak euskarazko hedabideentzako diru-laguntzetan egin dituen aldaketez hainbat hedabidetako ordezkariek egindako balorazioak jaso ditu Berriak.
Estitxu Eizagirre ARGIAko zuzendariaren ustez, Jaurlaritzak "azalpenak" eman beharko lituzke laguntzak banatzeko irizpideen inguruan. "Aldaketak egon dira kopuruetan; beraz, azaldu beharko lukete zeren aldeko apustua egin duten diru laguntza horiekin, baina onean esanda".
Eizagirreren arabera, hedabideen eta Jaurlaritzaren arteko elkarlana beharrezkoa da, "berdinetik berdinera eta elkarlan baterako epe ertain eta luzera begirako lan bat". Baina horrelakorik ez dagoela dio: "Ez dago inolako adostasunik aurrera begira zer jorratu behar dugun eta zenbat diru behar dugun hitz egiteko".
Baliabide gehiago eskatu ditu hedabideentzat: "Denok behar ditugu jaso ditugunak eta gehiago. Gutxiago jasotzea ez da posible".
Informazio gehiago:
Euskarazko hedabideentzako laguntzak, kopurutan, Berriaren webgunean.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Eusko Jaurlaritzak Gazteen Emantzipazioa Laguntzeko 2030 Euskal Estrategia aurkeztu du asteazkenean, emantzipazio adina 28ra jaisteko eta soldatak 2010ko kopuruetara iristeko helburuz. Diru laguntzak ematea aurreikusten du, eta gazteei zuzendutako 13.500 lanpostu berri... [+]
Elkarrekin-Podemosek eta EH Bilduk aurkeztuta, enpresa estrategikoei lagunduko dien banku publiko baten sorrerari buruzko mozioa eztabaidatu dute Eusko Legebiltzarrean. Euren esanetan garrantzitsua da enpresa horiek EAEn errotuta eta funts putreen eraginpetik kanpo egotea... [+]
Ohiko teoria ekonomikoaren arabera, inbertsio pribatuak publikoak baino eraginkorragoak dira. Inbertitzaile pribatuek beraien enpresatan inbertitzen dute ekoizpena bizkortzeko eta ondorioz mozkin itxurosoak eskuratu ahal izateko. Alabaina, gauza bat da teoria interesatuak dioena... [+]
Ostegun honetan grebara deituta zeuden 26.000 irakasletik %70 ez da lanera joan, sindikatuek jakinarazi dutenez. Jaurlaritzak lantaldearen erdira murriztu du jarraipena.
Diru-sarrerak Bermatzeko Laguntzarik (DBL) ezingo da gehiago eskatu uztailaren 1etik aurrera Gipuzkoan –seme-alabak dituztenen kasuan, abenduaren 31ra arte luzatuko da epea–. Diputazioak dio prestazio ekonomiko honek ez duela gizarteratzeko balio eta kendu egin du,... [+]
Komunikabide euskaldunek egindako gomendioak kontuan hartu gabe ebatzi du Eusko Jaurlaritzak 2015eko diru laguntza deialdia. Iaz baino diru gehiago banatu du, baina hedabideek eskatzen zuten irizpide aldaketa kontuan hartu gabe.
Egoera ekonomikoak behartuta, Elhuyar aldizkariak maiztasuna murriztuko duela iragarri du. Hilabetekari izatetik hiru hilero argitaratzera pasatuko da.
Hedabide euskaldunetan egiten den inbertsio publikoa audientzien arabera banatzeak “zalantza metodologiko ugari” sortzen ditu, Euskal Herriko bost unibertsitate irakaslek egindako azterketen arabera.
Azken urteotako inbertsio publiko txikiena egingo dute Hego Euskal Herriko administrazioek euskarazko hedabideetan, Hekimen elkarteak jakinarazi duenez.
Hekimen Euskal Hedabideen Elkarteak proposamen zehatza egin die Eusko Legebiltzarrean ordezkaritza duten talde politikoei: datorren urteko aurrekontuetan milioi bat gehiago bideratu dezatela euskarazko hedabideentzat.
Eneko Bidegain Mondragon Unibertsitateko irakasleak uste du diru gehiago behar dutela euskal hedabideek eta diru hori hizkuntza politikakoa ez den beste aurrekontu poltsetatik etorri beharko litzatekeela.
Ardanza I aroan audientzia esaten zitzaion. Horretan ez ginen txapeldun euskarazko hedabideok aspaldi urrun hartan eta gaur ere ez.
Hasteko eta behin, eskerrik asko Legebiltzarrari, Hekimen euskal hedabideen elkarteari foro honetan parte hartzeko aukera emateagatik, eta bereziki EH Bilduko taldeari, horretarako gonbitea egiteagatik.