Munduko Meterologia Erakundeak 2018an karbono dioxidoaren (CO2) emisioa %0,56 igo zela adierazi du, 2017koarekin alderatuta. "Nazioarteko agintariek Parisen sinatu zuten hitzarmenak ez du funtzionatuko emisio horien aurka", adierazi du erakundeak.

Izan ere, MMEk esan du ez dagoela "berotegi-eragina egiten duten gasen emisioak jaitsiko direnen zantzurik". Horrek ondorio larriak ekar ditzake MMEren arabera: tenperaturen igoera, itsasoaren batez besteko mailaren gorakada eta lurreko zein uretako ekosistemen aztoramendua, besteak beste.

Ia inoiz ikusi gabeko datuak

Erakundeko idazkari nagusi Petteri Taalasen arabera, gaur egungo karbono dioxidoaren pilaketa zenbakiak "duela hiru milioi- eta bost milioi urte bakarrik ezagutu izan ziren planetan", baina zehaztu duenez garai hartan "tenperatura orain baino bizpahiru gradu altuagoa zen, eta itsasoaren maila egun baino 10-20 metro altuagoa zen".. Aste honetan Madrilen 25. Klima Goi Bilera antolatuko dute, eta gaia hizpide izango da.