Eguiteco handia da CLASICOEN IRACURALDI ETENIC GABEA eta enetaco ohorea içanen da heuscarazco verce hanbat eskribaçaileri iossirik ene içena iqhustea. Ala enkontru hona! 2008an sorthu cen Axularen Guero obrarequi, eta ordutic yragan dira Moguel, Mirande, Saiçarbitoria, Uretabizcaya, Bernard Achaga, Aresti, Sarionandia, Cafca, Icharo Borda, Domingo Aguire, Lerchundi eta Maria Asun Landa. Oray ni. Urthe present honetan ehorc eztu uqhenen nic bano alegria handiagoric.

Gaynera, iracurquetaren vaytan, aste oroz lettratu excelente batzu minco içanen dira ene obraz: Tere Irastorça eta Aynguru Epalça, maiatzaren 31n; Coldo Içaguire, ecainaren 1ean; Xabier Amuriça, ecainaren 2an. Elas! Heuscalsaindiaren echian vilduco dira publicoqui solaz eguiteco, cantatzeco eta plazer harceco, arraxeco 19etatic aycinera.

Leqhu saynduya da Heuscalsaindia bascoen artian. O hango iaunak eta emaztiac, aytor cendut ortografian beqhatore niçala eta coplac ene ignoranciaren araura eguinac direla. Batzutan eskribacen diat “ycena” eta bercetan “içena”, hala “vihoca” nola “vioca”, “etchia” beçala “echea”, “ny” veçala “ni”, “berriz” eta “verriz”. Hiz oro gaizqui eskriba duquet. Misericordia, othoy. Ordu hartan cen regla faltac beharluque halacoric absolvatu.

Halaver dute varqhamenduya merexi ene obraco copla batzu. Nehor eztute ofenditu vehar eliçac, doctrinac, oracioneac eta manamenduyac. Garai hartan apezeq çuten eskribatu, haien munduyaz, eta horreyn penitencia vehardiat eguin. Dembora iragan da eta anhiz abançatu da, vana vici ninçaten egunetan, badaquiçue, gauçac bercela ciraden. Escusa ezten arren, sperança diat çuen iudicioan salvatuco nuçuela.

Ahanci gayzqui eguinac, othoi, eta hartu honac. Guehiago iaquin banu, segurqui çucenago eta hobe eskribatuco nuqueyen. Azquen finian heuscarak içan du melior fortuna sequatur (horetan clarqui ez ninzan enganatu). Barqhatu iraganeco personon beqhatu chipiak, gu ere muthatu guira. Yfernuco ene adisquide preciatuac eta nic oray erraten dugun beçala, gu bethi içanen guira emazten favore.

Arma! Arma! Mundu oro iracurqueta handira! Oray viçi balinbanynz eta ahalbanu, Bilbaora joanen ninçande, anhiz iende heuscaldun artian egoytera. Heuscalteguico adisquidequi, iqhasteco desira duyen hoyequi, iurista, poeta, advocatu eta acheterrac. Guçtioc elgarrequi lehen obraren çathi bat iracurcen.

Aspaldi niz hila, bana ecainaren 3an verce forma batetan viciric içanen niz. Ene leqhu hontatic, nyc ere gogo honez erranendut: Heusquara, ialgi adi Bilbaoco plaçara!