EH Bilduk astelehen honetan abian ipini du mahai politikoa berritzeko barne prozesua. Zuzendaritzak zerrenda proposatu du. Arnaldo Otegik buruzagi izaten segituko du.
Badira hainbat aldaketa, ez badira ere hain ageriko eta berritzaile: Pello Otxandiano ez da programa zuzendaria izango, baizik eta EAEko Legebiltzarreko talde parlamentarioaren eleduna izango da; eta Arkaitz Rodriguezek utzi egingo du Sortuko idazkari izatea, Arnaldo Otegiren ondoko hirugarrena izan eta EH Bilduren estrategia politikoa ekintza politiko, sozial eta instituzionalera bideratzeaz arduratzeko.
EH Bilduren egungo mahai politikoak egin duen proposamenean "herrialdeak ondo ordezkatuta" daudela zehaztu du koalizioak, emakumeak gehiago dira gizonak baino, eta batez besteko adina 47 urtekoa da. "Gaztetasuna hor dago; belaunaldi berri batek ardura berriak hartuko ditu", zehaztu du Otegik Naiz Irratian egin dioten elkarrizketan: "Eraldaketa asko daude egiteke, baina hori guztia proiektu nazionalean zintzilikatzen da; proiektu nazionala erdigunean jarriko dugu prozesu honetan".
Ondorengo zerrenda hau aurkeztu du EH Bilduko egungo mahai politikoak:
