Soziologoa eta sexologoa da Bel Pozueta, baina Altsasuko gazteen bozeramaile lanengatik da batez ere ezaguna. Hain juxtu, lehengo astean jakin genuen Espainiako Auzitegi Nazionaleko Apelazio-Salak berretsi egin dituela gazteen kontrako 2 eta 13 urte arteko espetxe zigorrak, salbu eta Iñaki Abadena (hiru urte murriztu dizkiote). Hori dela-eta, manifestazioa deitu dute Altsasuko Gurasoek martxoaren 24rako.

Kasuaren oihartzuna baliatuta, PPko presidente Pablo Casado Koxka tabernan izan zen duela gutxi, Espainiako eskuinak erabilera politikorako aukera ikusi baitu afera honetan.

Apirilaren 12an abiatuko da hauteskunde kanpaina, giroa dagoeneko bero dagoen arren.