Baztango Udalak Donbasseko herriari babesa eskaini dio
Ukraina ekialdeko erasoen harira, Baztango Udalak (Nafarroa) Donbasseko herriari babesa emateko mozio instituzionala onartu du eta Pervomaisk herriarekin senidetzeko aukera aztertuko du.
Baztango Askapenak aurkeztutako testuan “Ukrainako sektore ultraeskuindarrek estatu kolpea eman eta boterea bere gain hartu zutela” adierazi eta Maidan mugimenduaren izaera kolpista eta faxista salatu dute. Euskal erakunde internazionalistaren esanetan “inperialismoaren esku-hartzea” izan da egungo egoeraren erantzule zuzena, “AEB eta Europar Batasunaren babespean Ukraina ekialdeko populazio zibila akabatzen ari direla” salatu du Askapenak.
Bildu eta Ezkerra udal taldeen bozkei esker, eta NABAI eta UPNren abstentzioarekin onartu da mozioa. Baztango Udalak “Luhansk eta Donetsk-eko herri errepublikek erreferendum bidez hautatutako bidea aintzat hartuta, herrien autodeterminazioren alde agertu eta Europar Batasunaren inperialismoa” salatu du. “Donbasseko herri erresistentziari eta bertako jendarte zibilari babesa eta elkartasuna eman eta Donbasseko herriarekiko dinamika solidarioetan parte hartzeko konpromisoa” hartuko duela adierazi du Nafarroako udal horrek.
Elkartasun asteburua Elizondon eta Erratzun
Askapenak antolatuta, Donbassekin elkartasun asteburua ospatu da Elizondon. Ostiralean Kieveko sarraskia dokumentalaren bideo-emanaldiarekin hasi zen eta larunbatean Donbassen izandako ARGIAko korrespontsal Ibai Trebiñok hitzaldia eskaini zuen, elkarretaratzearen eta herri bazkariaren aurretik.
Bestalde, ARGIAk jakin duenez, Luhanskeko Herri Errepublikako Pervomaisk herriak Baztango Udalari elkartasuna eskertzeko asmoarekin gutun bat zuzendu dio. “Pervomaisk herriarekin harreman instituzionala hasteko eta adiskidetasun proposamen bat heldu zaigu Donbassetik” adierazi digu Jon Elizetxe Baztango Bilduko zinegotziak. Ukrainako Gobernuaren artilleriaren erasoak sufritzen ari da Pervomaisk hiria. Ehunka biztanlek bizitza galdu dute eta populazioaren erdiak ihes egin behar izan du. Luhanskeko eta Donbasseko gudaren ikurretariko bat bilakatu da Pervomaisk.
Irailaren 23tik 27ra egingo dituzte erreferendumak, herritarrei galdetzeko ea sartuko liratekeen Errusiako Federazioan. Ukrainak Errusiaren xantaiatzat jo du ekimena. Putinek erreferendumak babestuko dituela adierazi du, eta horrekin batera, asteazkenean 300.000 militar ohi... [+]
Korridore humanitarioetatik barrena zibilak ateratzeko hartu du erabakia Moskuk. Hala ere, Ukrainako ordezkariak mesfidati agertu dira, ez diote sinesgarritasun osoa bideratu Errusiak plazaraturiko erabakiari.
Ukrainako gerra egunetik egunera aldatzen doa. 2014an independentzia aldarrikatu baina linboan geratu ziren Donetsk eta Luhanskeko herri errepubliken independentziak onartu eta guda hasi zuen Errusiak. Mendebaldeak zigor ekonomikoen bidez erantzun du Ukraina ekialdeko... [+]
Ukraina eta Errusia historiak lotutako bi herrialde izan dira mende luzez. Azken ehun urteetan, iraultzak eta mundu gerrak bizi izan dituzte elkarrekin eta, orain, elkarren aurka. Data nagusienak laburbildu ditugu hemen.
Egun hauetan Ukrainan gertatzen ari den gatazka militarra ulertzeko gako nagusietako bat Donbassen azken zortzi urteotan izandako gerra da. Gerra piztu zenean, Ibai Trebiño eta Mikel Arregi ARGIAko kolaboratzaileek Ukraina, Krimea eta Donbassen jaso zituzten lehen eskuko... [+]
Petrolio eta gasaren prezioak gora egiten ari dira, Ukraina eta Errusiaren arteko gerra arriskuak munduko horniduran eragin dezakeenaren beldurrez. Nazioartean erreferentzia den Brendt gordin upelaren prezioak otsailaren 22an azken zazpi urteetako gorengo preziora iritsi zen:... [+]
2021eko urriaren 30ean The Washington Post egunkariak argitaratutako artikulu batek ireki zuen bidea. Testuan iradoki zuten Errusia Ukrainaren inbasioa prestatzen ari zela. Ordutik zurrumurrua etengabe elikatu eta garatu dute AEBetako Gobernutik, eskala handiko inbasioa berehala... [+]
Errusiako presidente Vladimir Putinek Donbassko Donetsk eta Luhanskeko herri errepubliken independentzia aitortu du otsailaren 21ean eta Errusiako Parlamentuak ondorengo orduetan berretsiko du Putinen erabakia. Honek dekretuan jaso du armada "bake eginkizunetarako"... [+]
Errusiako lehen ministro Vladimir Putinek gaur erabakiko du Donbasseko herri errepubliken independentziari buruz. AEBek hainbeste hauspotu duten Errusiaren inbasiorik ez da gertatu, baina Ukrainan tentsioak igotzen jarraitzen du. Asteburuan Ukrainako armadak Donbass eskualde... [+]
Errusiako kazetari talde bat 2014ko apiriletik gatazka gordinean murgilduta dagoen Ukrainako ekialdeko Donbass eskualdean izan da, bertako biztanleen testigantzak jasotzeko asmoz. Hiri eta herrixka askotan bizi duten egoera lazgarriaren lekuko izan dira.
