Batxilergora igarotzeko azterketa aurreikusten du Heziberriren azken bertsioak
Hurrengo ikasturtetik aurrera EAEko ikastetxeetan ezarriko duten curriculuma aurkeztu die gaur Cristina Uriarte Hezkuntza sailburuak arloko eragileei: Heziberri 2020 planaren bigarren bertsioa.
Heziberriren lehenengo zirriborroa 2014ko urri bukaeran aurkeztu zuen Jaurlaritzak, eta eragileak aurka agertu ziren nabarmen, testuak ez ziolako LOMCEri aurre egiten.
Eragileen ekarpenak eta kritikak entzun ostean, bigarren bertsioa aurkeztu du asteazkenean Uriartek. Testu berriak honako puntuak jasotzen ditu, besteak beste:
- Batxilergora igarotzeko azterketa. LOMCEk erabiltzen duen “errebalida” hitza saihesten duen arren, EAEko ikasleek azterketa gainditu beharko dute DBH 4 amaitzean, Batxilergoa egin ahal izateko. Gainditzen ez dutenek titulua eskuratzeko ikasturte berezi bat egiteko aukera izango dute.
- Lehen Hezkuntzako 3. eta 6. mailan ebaluazioak. Diagnostiko ebaluazioak izango dira eta beraz hasiera batean ez lukete ondorio akademikorik izan beharko.
- 16 urterekin erabakiko dute unibertsitatearen eta Lanbide Heziketaren artean. LOMCEk dio 14 urterekin hartu behar dutela erabakia gazteek, hortik aurrera bide bereiziak egingo baitituzte batzuek eta besteek, baina EAEn curriculum bera jarraituko dute (Espainian baino ikasgai gehiago emango dituzte orotara), erabakia 16 urtera arte atzeratu ahal izateko.
- Hizkuntza ereduak mantenduko dira. A, B eta D ereduak mantenduko dira ikastetxeetan, A ereduan euskara gehiago txertatuz eta ikastetxe bakoitzari bere proiektua garatzeko aukera eskainiz.
- Erlijioa eskainiko da. Erlijioa derrigor eskainiko da, hautazko ikasgai moduan. Erlijioa ikasi nahi ez duenak, baloreei buruzko beste ikasgai bat ikasi beharko du eta bata zein bestea akademikoki ebaluatuko dira.
- Eskola Kontseiluak bere eskumenak mantenduko ditu. LOMCEk dioenaren aurka, Eskola Kontseiluak bere eskumenak mantentzea aurreikusten du Heziberrik. Gainera, antolatzeko eta edukiak lantzeko autonomia handiagoa ematen die ikastetxeei bigarren bertsio honek.
Lehenengo erreakzioak
ELA eta STEILAS sindikatuak ez dira joan Cristina Uriartek deituriko bilerara, Heziberrik LOMCEri ateak irekitzen dizkiola argudiatuta. Zehazki, Heziberrik “LOMCEri men” egiten diola adierazi du ELAko Xabier Irastorzak.
Ikastolen Elkarteak berriz, bigarren bertsio honetan LOMCEtik aldentzeko Jaurlaritzak egin duen “ahalegina” aintzat hartu du. Hala ere, Heziberri hainbat arlotan LOMCEk baldintzatua dagoela gaineratu du Koldo Tellitu Ikastolen Elkarteko lehendakariak. "Departamentuaren ahalegina baloratzen dugun arren, argi utzi nahi dugu dekretu hauek ez direla ikastolok diseinatuko genituzkeenak, gure hezkuntza ereduak bere oinarria eta ardatza euskal curriculumean dituelako", adierazi du.
2013an abiatu zuen Eusko Jaurlaritzak Heziberri 2020 plana, sarritan hauspotu duen erronka anbiziotsuarekin: EAErako hezkuntza lege berria sortzea. Baina iritsi da 2020a, eta ez dago legerik; are gehiago, Hezkuntza Sailak apenas aurkeztu duen zirriborro bat legebiltzarrean,... [+]
Hartzen dituen erabakiek eragileen kontsentsua dutela agertzea gustuko du Jaurlaritzak, baina Hezkuntza Sailak bi proiektu atzera bota behar izan ditu epe laburrean, jasotako kritikengatik: Herenegun programa eta eskola-jantokietarako proposamena. EAErako Hezkuntza Legeak ere... [+]
Luis Dorao, San Martin, Lukas Rei, Barandiaran, Umandi… Arabako 27 ikastetxe hauetatik 19 publikoetan egin nahi ditu frogak Eusko Jaurlaritzak martxoaren 5etik aurrera Lehen Hezkuntzako 6. mailako ikasgeletan. DBHn ere Pisa azterketa egitera deituko dituzte 4. mailako... [+]
Ebaluaketak "merkatu eta politika neoliberalen menpe" daudela kritikatu du sindikatuak eta proba "jarraitu eta hezigarrien" aldeko dokumentua aurkeztu du.
Hezkuntza arloan, Hego Euskal Herrian LOMCE legeak markatu du azken urteetako dinamika eta epe laburrean behintzat hala izaten jarraituko du. Hala, ikasturte honetan ere, Jaurlaritzaren Heziberri planak eta bestelako adabakiek puntu batzuen eragina arindu arren, Madrilen... [+]
Jaio aurretik kontra ditu eskola publikoko ordezkariak, eztabaida piztu du ikastolen eta eskola publikoaren artean, eta arautuko dituen hainbat punturekin ez datoz bat eragileak. EAErako Hezkuntza Legea bero dator. Hona afera ulertzeko gakoak.
LOMCE legearen hemendik aurrerako aginduak impassean utzi eta “itun nazionala” iragarri du Espainiako presidenteak. Edo beste era batera esanda, PP, Ciudadanos, PSOE eta ahal balitz beste alderdi txikiagoren baten babesa bilatuko duen hezkuntza lege berri bat,... [+]
Milaka lagun Hego Euskal Herriko hiriburuetan egin diren manifestazioetan, eta lanuzte eta protestak ikastetxe askotan.
Milaka lagun Hego Euskal Herriko hiriburuetan egin diren manifestazioetan, eta lanuzte eta protestak ikastetxe askotan. LOMCE eta Heziberriren aurka eta hezkuntza sistema propioaren alde egindako mobilizazioen balorazio "oso positiboa" egin dute deitzaileek:... [+]
"Azaroaren 24an, EHUko errektoretzarako hauteskunde egunean, Leioako campusa ikasle haserrez beteko dugu –iragarri dute Ikasle Abertzaleek–, EHU instituzio burges eta zapaltzaile gisa errefusatzen dugula argi adierazteko, eta ikasle boterearen artikulazio bidez... [+]
"Legegintzaldi honetan EAErako Hezkuntza Legerik onartzen ez bada, porrot itzela izango da, guzti-guztiontzat". Hala mintzatu da Koldo Tellitu Ikastolen Elkarteko lehendakaria, ikastolen hasiera ekitaldian.
Kanpo-azterketa berriak, aldaketak ikasgaietan, ingelesezko ordu gehiago, ebaluaketa irakasleei, mugimenduak goi-karguetan… Bero dator ikasturtea Hego Euskal Herrian, LOMCE, Heziberri, Ingelesez Ikasteko Programa edota D ereduaren zabalkuntza tarteko.
Kanpo-azterketa berriak, aldaketak ikasgaietan, ingelesezko ordu gehiago, ebaluaketa irakasleei, mugimenduak goi-karguetan… Bero dator ikasturtea Hego Euskal Herrian, LOMCE, Heziberri, Ingelesez Ikasteko Programa edota D ereduaren zabalkuntza tarteko.
Maiatzaren 27an bukatzen da Lehen Hezkuntzako 3. mailako azterketa polemikoaren emaitzak Eusko Jaurlaritzari jakinarazteko epea. Hezkuntza Plataformen Topaguneak jakinarazi duenez, 175 ikastetxetan planto egin diote probari eta elkarretaratzeak egiteko baliatuko dute azken... [+]