Egun batez zelairanzko sarbidea itxita eduki ostean bidea irekitzea erabaki dute herritarrek. Desobedientzia zibilezko ekintza bukatuta ere borrokarekin aurrera jarraituko dute. Jendea erakartzearen eta borroka zabaltzearen helburuak bete dituztela azaldu dute.
Ibargengoako parkingaren lanak ostiralean hasi behar zirela eta, erresistentzia akanpadan aritutako herritarrek landarako sarbidea blokeatzea erabaki eta harresiak eraiki dituzte ostegun gauean zehar. GEOCISA-ko langileak Tosura hurbildu dira azken egunotan, hain zuzen, eta bizilagunen baimenarekin erabaki dute lekua hesitzea, bertan eraiki nahi duten azpiegituraren kontra. Desobedientzia ekintzak lortutako oihartzunaz pozik eta bizilagunei trabarik ez egin asmoz, ordea, barrikadak kendu dituzte arratsalderako. Parkingaren kontrako borrokarekin segituko dute, halere.
Tosu Betirako taldeko kide batek landarako sarbideak bi helbururekin itxi zituztela azaldu du. Alde batetik, obrako langileei sarbidea ukatzea eta, bestetik, inguruko jendarteari mobilizazioetan parte hartzeko deialdia luzatzea. Tosu Betirakok auzokideen oniritzia azpimarratu nahi izan du egindako ekintzetan: “Atzo landa hau 24 orduz makinei itxita egon zen, auzokideen baimen eta onespenarekin.”
Tosu eta Aizkorriko hondartzaren artean dauden landak Getxoko azken berdegunea osatzen dutela azaldu dute. Era berean, udaletxearen estrategia urbanistikoa salatu nahi izan dute. Ibarbengoako metro geltokia eraiki ondoren, landa adreiluz betetzeko asmoa dutela uste dute.
Hurrengo egunetan egingo diren ekintzetan parte-hartzeko deialdia egin dute.
Jakingo duzuenez gauden Getxoko Tosu landa honetan Ibarbengoako parkina eraikitzeko asmoa dute, Getxoko azken landaguneetako bat urbanizatzeko beste urrats bat emanez. Horregatik, hura babesteko helburuarekin Erresistentzia Akanpada hasi genuen urtarrilaren 12an.
Pasa den aste honetan Tosun obra hasteko lehenengo pausuak ematen hasi dira, topografia lanak eginez eta landa hau estakaz josiz. Hau dela eta ostegunetik ostiralerako goizaldean landako sarrerak ixtea erabaki zen. Alde batetik obrak aurrera jarrai ez dezan eta bestetik inguruko jendartea obren aurkako mobilizazioetan parte-hartzera deitzeko.
Atzo landa hau 24 orduz makinei itxita egon zen, auzokideen baimen eta onespenarekin. Egunean zehar, Tosu defendatzeko asmoz lagun asko hurbildu zen, parkinaren proiektuak daukan aurkakotasunaren adierazle.
Jendea erakartzearen eta borroka zabaltzearen helburuak sobera beteta, estartak ixten zituzten oztopoak kendu dira.
Espazio honetan burujabeak garela frogatu dugu, eta hau ospatu beharra dago. Horregatik gaur arratsaldean ospatuko dugun jaialdian parte-hartzera gonbitea luzatzen dizuegu. Arratsaldeko 6etan Telletxen ikusiko dugu elkar, eta 8etan Tosun.
Egitarauarekin jarraituko dugu: bihar goizean zuhaitz landaketa eta arratsaldean auzokide elkarteekin mahai ingurua.
Eskerrik asko bihotz-bihotzez elkartasuna adierazi diguzuen guztioi.
Asko gara eta bizirik gaude!
Gora erresistentzia akanpada!
Gora Tosu!
Tosuko landa askean, 2017ko urtarrilaren 28an
Albiste hau Topatuk argitaratu du eta CC-by-sa lizentziari esker ekarri dugu ARGIAra.
Plaza bakarra okupatuta, aparkalekuak dituen 304etatik. Horrela deskribatu du GuNe kolektiboak Getxoko Andra Mari auzoko Tosu landa eremuan eraiki duten Ibarbengoako metro-geltokiaren ondoko aparkalekuaren egoera, "irailaren 2an, lanorduetan". Idatzi ironiko batean,... [+]
Getxoko Tosu landa defendatzeko urteetako borrokari behin betiko amaiera emateko, egindakoak gogoratzeko eta horretan parte hartu zutenei "eskerrak" emateko jaia egingo dute zapatuan.
Zortzi urtetako borroka omentzeko ekitaldia antolatu zuten igandean Algortako Portu Zaharrean. 2011an okupatu zuten lehen aldiz Tosuko landa. Geroztik, ibilbide luzea egin dute ekologistek.
Tosu Betirako Asanbladak irailaren 10etik 22ra egingo den "Tosutik Uribe Kostara" ekimena iragarri du. "Herrien etorkizuna gutxi batzuek, herritarren iritzia kontuan hartu gabe" planifikatzen dutela salatu gura dute. Erandio eta Gorliz arteko martxa eginez... [+]
Tosu Betirako plataformak, Udalaren erabakia kritikatu du. Izan ere, Getxoko Andra Mari auzoko landagunean parkinga ez ezik, “jarduera ekonomikoen parkea” egingo dutela azaldu dute. Erabakiaren aurrean, ordea, herritarrei mobilizatzeko dei egin diete plataformako... [+]
Hainbat ezezagunek Getxoko Ibarbengoako metro-parkingaren lanei eraso egin zieten joan den bariku eta zapatu arteko gauean, Ertzaintzaren arabera. Eusko Jaurlaritzak, Euskal Trenbide Sareak eta Imanol Landa Getxoko alkateak gaitzetsi dute ekintza hori. Tosu Betirakok "ez du... [+]
Ibarbengoako parkinga eraikitzeko obrak oztopatzeko "indarkeria" delitua egotzita auzipetutako hiru lagunen kasua artxibatu du epaileak, Tosu Betirako taldeak jakinarazi duenez.
Ibiltzen hasi berria da, baina esperientzia eta bizipen asko biltzen du Aman Komunak sareak, herri mugimenduko hainbat taldek eta kidek osatzen dutelako. Joan-etorriko izaera izan nahi du: bakoitzaren kolektibotik sare orokor bat aberastu, sareak tokian tokiko eguneroko lana... [+]
Gaur goizean Getxoko epaitegietan epaitu dituzten hiru ekintzaileek argi dute, "balizko kalteengatik baino, protestak zigortu gura izan dituzte epaiketa honegaz". Izan ere, azaldu dutenez, akusazioak zigor-eskaera bertan behera uzteko proposamena egin du epaiketan,... [+]
Urtarrilaren 26an, barikua, hiru lagunek deklaratu beharko dute Getxoko epaitegian, Ibarbengoako parkinga eraikitzeko obrak oztopatzeko "indarkeria" delitua egotzita.
Tosu Betirako plataformak deituta, Ibarbengoako aparkalekua eraiki gura duten landarainoko martxa egin zuten zapatuan, hilaren 16an, 200 lagun inguruk. Tosu landa ertzainez inguratuta zegoen; hala ere, lanen hasiera salatu zuten bertan herritarrek. Ondoren, hondeamakinek obren... [+]
Larunbatean Getxoko Tosu landara joango den manifestazioan parte hartzeko deia egin du Tosu Betirako asanbladak. Urriaren 21ean ingurua berriz okupatu ostean eraikitako etxolaren alboan egun dute agerraldia, buzo zuriz jantzita eta aurpegiak maskaratxoz estalita; abenduaren 16an... [+]
Getxoko Tosu landaren inguruan galdegin dio Mikel Otero Gabirondo EH Bilduko legebiltzarkideak Eusko Jaurlaritzari. Ekonomia Garapena eta Azpiegituretako Sailburuari egin dio errekerimendua, Jaurlaritzaren eta Viviendas de Vizcaya S.A. enpresaren arteko akordioa zein izan den... [+]
Hesia eraikitzeko lanetan ari dira hondeamakinak. Herritar bat lurrean etzan eta kateatu egin da. Herritarrei bertara joateko eskatu diete asanbladako kideek. Astelehenean sartu ziren berriz hondeamakinak Tosun.