Barañainen eginen dituzte Gazteraiki topaketak, abenduaren 9tik 11ra
Orain arte proposaturiko proiektuentzat topaketak "inflexio puntu" izatea nahi dute. Ildo bakoitzak aurkezturiko 18 proiektuei ekarpenak egin zizkieten larunbatean Bilboko KRML espazio autogestionatuan.
Gazteok Eraikitzen dinamikak bultzaturiko Euskal Herriko gazte mugimenduaren topaketek badute jada lekua eta data: Barañainen eginen dituzte, abenduaren 9, 10 eta 11n. Larunbatean Bilboko KRML espazio autogestionatuan bildu ziren 60 bat gazte, eta, bertan, lehendik aurkezturiko 18 proiektuei ekarpenak egin zizkieten gainerako ildoek.
Topaketak izango dira hurrengo geltokia, eta, Gazteok Eraikitzen-ek azaldu duenez, "ezinbesteko mugarri" izatea nahi dute: "Aurkeztutako proiektuentzat topaketak inflexio puntu bat gehiago izango dira. Topaketa ez da ezeren bukaera, bidaiaren beste hasiera bat da".
Aterako diren proiektuak finantzatze aldera, crowfunding kanpaina bat jarriko dute laster abian.
Gazteok Eraikitzen-en oharra:
Hilabeteak pasa dira Añorgako Firestone Fabrika okupatuan gazte mugimenduko espresio desberdinak batu ginenetik. Helburu bakar bat eta zabal bat buruan: inork askatuko gaituenaren esperoan egoteari utzi eta gazte mugimenduak elkarlanean eta autogestioaren bideari ekiteko ‘Gazteok Eraikitzen’ dinamika jarri genuen martxan.
Gazteok zapalkuntza berezitu bat pairatzen dugun heinean, problematika propioak dauzkagu. Horregatik, gazte bezala aurre egiteko borrokak martxan jartzea ezinbestekoa da. Sistemak eskaintzen digun prekarietatea jan edo gure kabuz bidea ekin.
Firestoneko ilusio txinpartatik hamaika borroka jarri ziren martxan. Bakoitzak nahi zuen ildotik, bere behar eta nahietatik antolatuta. Herri desberdinetako jendea ezagutu, esperientziak trukatu eta talde dsberidnetan bidea hasi genuen. Sorkuntza, lana, komunikazioa, kirola, jai eredu herrikoiak, feminismoa, euskara, etxebizitza, elikadura burujabetza, hezkuntza, autodefentsa... bazegoen non aukeratu!
Ildo hauek trasbertsalak zirela hasunartu genuen. Hau da, borroka orotan kontuan izan beharrekoak zirela. Feminismoa, euskara, komunikazioa, autodefentsa… denak dira beste zerbaiten oinarri, helduleku.
Ildo bakoitzetik proiektu desberdinak jarri ziren martxan ikasturte oso bateko lanaren ostean. Gazteok problematika bete-betean iraultzeko asmoz. Proiektu hauek dira gaurko egunez Bilboko KRMLbizirik! espazio autogestionatuan aurkeztu ditugunak. Orotara, gazte mugimendu ezberdinetako 60 bat gazte elkartu gara. Hala ere, ehundaka gara ildo zein proiektuen osaketan inplikatuta gauden gazteak. Izan ere, Euskal Herriko bazter guztietan garatzen ari den prozesu bat da ‘Gazteok Eraikitzen’.
Lehenago aipatutako ildo bakoitzak proiektu erreal eta alternatiboak jarri ditu mahai gainean. Ostera, hauen inguruan jaso beharreko ekarpenak zein hobekuntzetan klabeak emanaz, martxan jartzeko determinazioa hartu dugu.
Topaketak, ezinbesteko mugarri
Gazteraiki Euskal Herriko Gazte Mugimenduen autogestio topaketen data eta lekuak aurkeztu ditugu. Barañainen izango dira abenduak 9tik 11ra.
Dinamikatik dei egiten diogu autogestioa lanabes duten edota izan nahi duten gazte guztiei topaketetan parte hartzeko.
Gaur beste bizi eredu erreal baten aldeko 18 alternatiba erreal jarri ditugu gazteok mahai gainean. Aurkeztutako proiektuentzat topaketak inflexio puntu bat gehiago izango dira. Topaketa ez da ezeren bukaera, bidaiaren beste hasiera bat da. Proiektuei bultzada ekonomikoa emateak ere ezinbesteko garrantzia izango du, horregatik, crowfounding kanpaina bat jarriko dugu martxan aurki, beharrezko ekarpenak jasotzeko.
Albiste hau Topatuk argitaratu du eta CC-by-sa lizentziari esker ekarri dugu ARGIAra.
“Independentziara egin beharreko bideaz” hausnartzea da helburu nagusia. Apirilaren 20an, Aberri Egunarekin batera, Berriozarren ospatuko duten Gazteon Eskutik jardunaldia izango dute azken geltoki.
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]
Larrabetzuko Hori Bai Gaztetxeak 60 urte bete ditu. Euskal Herriko Gaztetxe zaharrena da Larrabetzukoa.
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]
Isunak baliogabetzeko helegitea jarri zuten Ernaiko gazteek eta arrazoi eman die epaileak. Naiz-ek eman du epaiaren berri eta ostegun honetan 10:30ean eginen du prentsaurrekoa Ernaik, zehaztapen guztiak plazaratzeko.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Apirilean Jaurlaritzako Segurtasun Sailak gazte antolakundeko 133 kideri jarritako isunen harira manifestua aurkeztu du Ernaik. Euskal Herriko 32 eragile sozial, sindikatu eta alderdi politikok egin dute bat idatziarekin. Isunek antolakundea “itoarazi eta politikoki... [+]
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.