Banatu ditugu aurtengo ARGIA Sariak
Hiru Damatxo kolektiboa (Ikus-entzunezkoak), Gora Gasteiz! ekimena (Sustapen ekintza), Joxerra Senar (Prentsa idatzia), Azpitituluak.com (Internet), Goiz Berri saioa (Irratia) eta Loreak filma (Merezimenduzkoa) izan dira aurtengo edizioko saridunak.
ARGIA Sarien 27. emanaldia egin dugu ostiral honetan, azken urteetan bezala, Usurbilgo Atxega jatetxean izan da ekitaldia, bazkalostean. Komunikazio arloko bost esparrutako sariak banatu ditugu bertan, baita merezimenduzko saria ere, aurten Jose Mari Goenaga eta Jon Garañoren Loreak filmak jaso du sari berezi hori.
Prentsa idatziko saria Joxerra Senar Berria egunkariko kazetariak jaso du, bereziki CANen espoliazioaz egindako kazetaritza ikerketagatik. Hiru Damatxo kolektiboak ikus-etzunezko baliabideak erabiliz egindako Gure Bazka elkarrizketa sorta ere errekonozitu nahi izan du ARGIAk, baita gora Gasteiz! ekimenak prekarietate eta xenofobiaren kontra egindako lana.
Azpitituluak.com-ek euskarari egindako ekarpenagatik –urteotan 700 film luze euskaratu dituzte–, eta Euskal Irratiak-eko Goiz Berri saioak aktualitateari emandako ikuspegi saretuagatik, osatu dute aurtengo saridunen argazkia.
Agortu dira “iraupen hutsezko agertokiak”
Sariak eman aurretik, hitz batzuk esan ditu Estitxu Eizagirre Argiako zuzendariak. Lehenik, aldizkariak 2015ean egindako berrikuntzez mintzatu da Eizagirre; itxura berritua, sail berriak (Beranduegiren paperezko bertsioa barne), orrialde gehiago, goi mailako kolaboratzaileak… Horrez gain, 1984tik iaz arte ARGIAk argitaratutako Euskal Kulturaren Urtekariaren lekua hartu duen produktu berria aurkeztu du: Aktualitatearen Gakoak, gaurkotasunari egindako begirada sakona eskaintzen duen argitalpena.
Hirugarrenik, ARGIAk argitaratutako Bizi Baratzea liburuaren arrakasta aipatu du Eizagirrek. Jakoba Errekondoren liburua dagoeneko liburua baino gehiago dela azpimarratu du: ARGIAren balioekin bat datorren epe luzeko proiektu bilakatu da honezkero.
“Iraupen hutsezko agertokia” agortutzat eman du Eizagirrek, eta ARGIAn jauzia egiteko beharra sumatu dugula adierazi du. Herritar guztientzat euskarazko hedabide indartsuak, erreferentziazkoak, behar direla nabarmendu du.
Hitzaldiaren bigarren zatia erakunde publikoei zuzendutakoa izan da. Eta euskarazko hedabideak bultzatzeko, erreferente bihurtzen laguntzeko, haien laguntza eskatu du.
Amaitzeko, ARGIA ekonomia sozialeko enpresa dela gogorarazi du Estitxu Eizagirrek; langileok gara proiektuaren jabeak. Horrek ahalbidetzen du eguneroko jardunean balore batzuk praktikara eramatea, egungo prekarietate korronteari aurre eginez.
Urtarrilaren 31n bilduko gara Usurbilgo Atxega jauregian Argia Sariak banatzeko. ARGIAko lantaldea ari da balizko saridunen zerrenda osatzen. Hala ere, irakurleon proposamenak beso zabalik jasotzen ditugu urtero.
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]
Dani Blancok ateratako argazkiak Usurbilen.
Folklorea kristalizatu den gauza hori zela zioen Ion Celestinok ARGIAn. Eta tradizioa, aldiz, une jakin batek ematen duen lorea dela azaltzen zuen.
ARGIA Sariak “tradizio” bilakatu direla esango genuke gaur egun. Hasteko, eta gehiegi pentsatu gabe, 35. urtez... [+]
Gordegia.eus, Donostiako Egia auzoko artxibategi grafikoak jaso du interneteko Argia Saria. Herritarren memoriaren lekukotasuna denon eskura jartzeagatik eman zaio saria, eta Arkaitz Artola, Juanpe Urrosolo eta Fernando Olaldek jaso dute Antton Mendizabalen oroigarria.
Sahara. Herri bat erresistentzian liburuak jaso du 2024ko prentsa saria. Herritarrei ahotsa emanda, sahararren aurkako errepresioa eta haien erresistentziarako kemena transmititzeko egindako ahaleginagatik jaso du saria Kristina Berasain Tristan liburuaren egileak.
Guggenheim Urdaibai Stop plataformak jaso du 2023an egindako komunikazio kanpainarik onenaren saria. Aspalditik datorren borroka bati bultzada berria emateagatik, eta ingurumena eta herritarrak erdigunean jartzeko lanean aritzeagatik eman dio ARGIAk saria. Antton Mendizabalen... [+]