Euskarazko kazetaritza eta komunikazioaren sariak baditu saridunak aurten: Amapola Morea irratsaioak eraman du Irratiaren saria, Busti saioak inkus-entzunezkoena, Ane Irazabal kazetariak prentsa idatzikoa, Egian euskaraz bizi nahi dugulako ekimenak Sustapen saria, Game Erauntsiak Internetekoa eta Imanol Urbietak merezimenduzko sari postumoa jaso du Kontxi Aizarnaren eskutan.
Kontxi Aizarna izan da azkena saria jasotzen, iaz hil zen Imanol Urbietaren bikotekidea. Merezimenduzko sari postumoa jaso du euskalgintzan berebiziko arrastoa utzi duen musikariak: "Manolok maite zuen Argia" azaldu du Aizarnak jendaurrean.
Oiartzun eta Antxeta irratien artean egindako saioa da Amapola Morea irratsaioa, Aitziber Zapirainek eta Mirari Martiarenak gidatua. Haiek jaso dute Atxega Jauregian Irratiari dagokion saria:
Txikitik ere, eragitea posible delako eskerrikasko #ARGIASARIAK @euskalirratiak @antxetairratia @argia @MiraririMirari #amapolamorea pic.twitter.com/ZIsdTe3Exu
— Aitziber Zapirain (@ZapirainEtxaniz) 2017(e)ko urtarrilak 27
Ane Irazabal kazetariak errefuxiatuen inguruan egindako prentsako lanagatik jaso du idatzizko Argia Saria. Ikurra emateko ekitaldian ohartarazi du jabetu behar garela Europan zabaltzen ari den eskuin-muturraz, "agian egunen batean geu ere egon gaitezke orain errefuxiatu horiek dauden egoeran".
Poz-pozik! Eskerrik asko @argia. #ArgiaSariak2017 pic.twitter.com/aHAQiFwQt4
— Ane Irazabal (@AneIrazabal) 2017(e)ko urtarrilak 27
Orain arte Kanalduden emititzen zen Busti umorezko saioak ikus-entzunezko saria jaso du, Maialen Duguine eta Maia Iribarneren eskutik. Ikus-entzunezkoetan beste eredu bat eskaintzeko geratu den hutsunea nabarmendu dute eta iragarpen bat ere egin dute: laster dira biltzeko Altsasuko gazteak izaera bera duen web telebista bat sortu nahian.
Egian Euskaraz ekimenak Sustapen onenaren saria jaso du. Ekimena antolatzen aritu den Aitziber Gurutzeagak hausnarketarako esaldi hau utzi du euskaltzale, erakunde eta eragile sozialetako ziento bat lagun bildu den jantokian: "Uste baino askoz gehiagotan egin dezakegu gure hizkuntzan, gure buruan sinesten badugu, horixe da gakoa".
Eskerrik asko @argia
— Egia euskaraz (@egiaeuskaraz) 2017(e)ko urtarrilak 27
Zorionak Egia!
Ta zorionak euskararen alde lanean dabilen orori
Game Erauntsia bideo-jokoen euskal komunitateko Urtzi Odriozolak, Interneteko saria jasotzearekin batera, aldarriaktu du euskaldunak "konfortguneetatik" atera eta halako guneetan barneratu behar dela.
Giro apartarekin, berriketaldi interesgarriekin eta zoriontzeekin amaitu da aurtengo Argia Sarien ekitaldia; ARGIAren Aktualitatearen Gakoak gehigarria besapean dutela joan dira gonbidatuak etxera.
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]
Dani Blancok ateratako argazkiak Usurbilen.
Folklorea kristalizatu den gauza hori zela zioen Ion Celestinok ARGIAn. Eta tradizioa, aldiz, une jakin batek ematen duen lorea dela azaltzen zuen.
ARGIA Sariak “tradizio” bilakatu direla esango genuke gaur egun. Hasteko, eta gehiegi pentsatu gabe, 35. urtez... [+]
Gordegia.eus, Donostiako Egia auzoko artxibategi grafikoak jaso du interneteko Argia Saria. Herritarren memoriaren lekukotasuna denon eskura jartzeagatik eman zaio saria, eta Arkaitz Artola, Juanpe Urrosolo eta Fernando Olaldek jaso dute Antton Mendizabalen oroigarria.
Sahara. Herri bat erresistentzian liburuak jaso du 2024ko prentsa saria. Herritarrei ahotsa emanda, sahararren aurkako errepresioa eta haien erresistentziarako kemena transmititzeko egindako ahaleginagatik jaso du saria Kristina Berasain Tristan liburuaren egileak.
Guggenheim Urdaibai Stop plataformak jaso du 2023an egindako komunikazio kanpainarik onenaren saria. Aspalditik datorren borroka bati bultzada berria emateagatik, eta ingurumena eta herritarrak erdigunean jartzeko lanean aritzeagatik eman dio ARGIAk saria. Antton Mendizabalen... [+]
Bost sari banatu ditugu aurten: ikus-entzunezko saria Bizkarsoro filmari eman zaio, prentsa saria Sahara. Herri bat erresistentzian liburuari, entzunezko saria Ez gatoz Paristik podcastari, internet saria gordegia.eus artxibategi grafikoari eta komunikazio kanpaina onenaren... [+]