Balkanetako mugak ixteak, errefuxiatuak bide arriskutsuagoetara daramatzala salatu dute
Martxoan urtea beteko da errefuxiatuei Balkanetako bidea itxi zietela. Iheslarien fluxua ez da gelditu, ordea. Orain trafikante sareetara jotzen dute beste toki batzuetatik sartu ahal izateko eta bidaia arriskutsuagoak eta garestiagoak egiten dituzte, Save the Childrenek salatu duenez.
Iazko martxoan Europar Batasunak eta Turkiak adostu zuten EBra heltzen ziren migranteak itzuli egingo zituztela. Itun horren ondorioz Balkanetako bidea itxi zuten. Save the Childreneko arduradunek azaldu dutenez, krisiak ez du behera egin. “Akordioak kontrabandistei mesede egin die eta hauek taktika berriak asmatu dituzte, geroz eta arriskutsuagoak”.
Balkanetako egoera kezkagarria da: Hilero 3.000 bat pertsonak zeharkatzen dute Serbiako muga. 8.000 errefuxiatu daude une honetan herrialdean blokeatuta. Iheslari esparruetan geratzen dira, baina hauek jendez gainezka daude, horregatik biltegi abandonatuetara joaten dira. Han “baldintza penagarrietan eta zaborrez inguraturik” bizi dira, Save the Childrenek aditzera eman duenez.
Pertsona hauen itxaropen bakarra Hungaria edo Kroaziaren muga zeharkatzea da. Batzuk lortzen dute, baina poliziak Serbiara itzultzen ditu. Urtea hasi zenetik legez kanpo 2.000 itzuli dituzte. 2016. urtean 30.000 asilo eskaera jaso zituen Hungariako Gobernuak, baina erdia baino gutxiago onartu zituen. Gainontzekoek modu ilegalean pasa zuten.
Save the Childrenek Espainiari eta Europar Batasunari exijitu die Europara sartzeko bide seguru eta legalak ezar ditzatela. Horrekin batera harrera programak sortzea eta familia bateratzerako prozesuei malgutasuna ematea.
“Nahiago dut edozer gauza, nire herrialdera bueltatu baino”
Omar Belgradera bakarrik heldu den 15 urtetako gazte afganistandarra da. Bere egoera kontatu dio GKEari. Biltegi abandonatu batean bizi da. Han arnas egitea ia ezinezkoa da, hotzari aurre egiteko erabiltzen dituzten berogailuen kearengatik. “Behin baino gehiagotan saiatu naiz Hungariara pasatzen, baina beti itzuli eta jipoitu naute. Ez daukat dirurik, baina nahiago dut edozer gauza, nire herrialdera bueltatu baino”, azaldu du.
Hau guztia gutxi balitz, neguak gogor jo du Balkanetako zonaldean. Reuters agentziak urtarrilean jakinarazi zuen errefuxiatuek -20º C-ko tenperaturei aurre egin behar izaten zietela, kanpaleku inprobisatuetan eta elikagai eskasekin.
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.
2005. urtean 6,5 milioi euroko aurrekontua zuen Mugen eta Kosten Europako agentziak. 2022. urtean, berriz, 750 milioi eurotik gora jaso zituen erakunde publikoetatik. Migratzaileen kanporaketak gauzatzera bideratutako diru-partidak %480 handitu dira azken bi urteetan.
Marokotik irten ondoren migratzaileek zortzi egun eman dituzte itsasoan noraezean, larunbatean hondoratu arte.