Udalak auzoa eraisteko prozesua hasita badu ere, euren proiektua Errekaleor dela, eta defendatuko dutela adierazi dute Errekaleor Bizirikeko kide Karla Berrojalbizek eta Iñaki Lopez de Forondak Alea FM irratsaioan.
Maiatzaren 18an, Iberdrolako teknikariak, Ertzaintzak lagunduta, Errekaleor auzora joan eta argindarra moztu zuten. Horren ostean, Gasteizko Udalak Errekaleor eraisteko asmoa adierazi du. Hori dela eta, manifestazio internazionala deitu dute Errekaleorreko bizilagunek, Guk argi daukagu, herria bizirik lemapean.
Azken egunetako gertakarien ondotik, nola joan dira auzoko jaiak?
Iñaki Lopez de Foronda: Oso ondo. Gainera, izugarrizko lorpena da guretzat ekitaldiekin aurrera jarraitu izana, argindarrik gabe egon arren; gure baliabideeekin egin dugu, eta oso irakurketa positiboa ateratzen dugu handik. Jende asko gerturatu da, beharbada lehen gerturatzen zena baino anitzagoa, familian, herri bazkarian. Auzoko bizilagun ohiak ere izan dira gurekin, jaien txupinazoa bota dute gurekin, eta gu poz-pozik beraiekin.
Atzera eginez. Noiztik bizi zarete Errekaleorren?
Karla Berrojalbiz: Errekaleor Bizirik proiektua orain dela hiru urte hasi zen, 1959-60 urteen artean eraiki zen auzoan. Hamar ikaslek abiatu zuten proiektu hau duela hiru urte baino gehiago, eta ikusita Udalaren desjabetze prozesuaren ondorioz husten ari zirela, erabaki zuten auzokideekin lanketa bat egitea eta alternatibak aurkeztea auzo hori berreraikitzeko.
Nolako hartu-emanak izan dira Udalarekin?
K. B.: Hasiera hasieratik esan dugu irekita gaudela instituzio edo bestelako erakundeekin elkarrizketa izatera, eta hala egin dugu. Bi aldi bereizten ditugu; alde batetik, PPren legeladia eta, beste aldetik, EAJrena. Marotoren garaian, egia da, talde guztiekin bildu ginela PPrekin izan ezik, eta EAJ heldu zenean Udalera, egia da, harremanak alderdi jeltzalearekin uzkurtu egin zirela, nahiz eta guk hitz egiteko borondatea izan, eta borondate hori gutun bitartez igorri.
Maiatzaren 18ko gertakarien inguruan zein balorazio egiten duzue?
K. B.: Argia mozteko beste saiakera bat izan zen orain dela bi urte, PPren legaldian, gu handik aterarazteko helburuarekin. Saiatu ziren prekario bidezko desalojo batekin; forma juridiko honen bitartez auzoaren egitura infraetxea izendatzen da, bizitzeko egokia ez den egitura bat, eta hortaz, arrisku bat dagoenez, baimena ematen da hori desalojatu eta ostean eraisteko. Saiakera hori hutsala izan zen. Auzora etorri ziren, informe juridikoak egin zituzten, eta positiboak ziren, orduan ezin izan zuten desalojat. Emaitza: argi mozketa bat. Maiatzaren 18koaz zer pentsatzen dugun? Jokaldia berdin-berdina dela. Bide legala oso geldoa denez, beste saiakera bat ikusten dugu desalojo bat baimendu ahal izateko; gogoratu, gaur egun atari bakar baten aurkako prozedura dagoela Auzitegi Gorenean, eta badirudi denbora dezente egongo dela horretan. Nola egingo duten? Baldintza juridikoak sortu nahi dituzte gure auzoa eta etxebizitzak infraetxe izendatzeko. Argia eta ura moztuta. Aurreikusten dugu desgaste prozesu batean sartuko garela, prekario bidezko kaleratze bat bideratu ahal izateko.
Albiste hau Ane Pedruzok eta Jon Ander Santosek argitaratu dute Arabako Alean eta CC-by-sa lizentziari esker ekarri dugu ARGIAra.
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.
2013ko irailaren 3an Gasteizko aldirietako Errekaleor auzoko 26. ataria okupatu zuten Gasteizko EHUren campuseko zenbait ikaslek. Hilabete amaieran ospatuko dute urteurren borobila, talde entzutetsuen kontzertuekin, besteak beste. Hamarkada oso baten gazi-gozoez, Urtaranen... [+]
Oinharri eskolak Formakuntza Barnetegia eskainiko du, Euskal Herriko herri mugimenduentzako formakuntza politikoa. Lau urte daramatzate formakuntza ematen, eta beraien metodologia Brasilgo Lurrik Gabekoen Mugimenduan (MST) oinarrituta dago, materialismo dialektikoa ardatz.
Azterlan hori egiteko, jendea bizi den blokeen egoera, ezaugarri fisikoak eta eraikuntzakoak, balizko arazoak eta bizigarritasunari dagokionez duten egoera orokorra aztertu dituzte, 2022an zehar. EAEko Eraikinen Ikuskapen Teknikoaren ereduari jarraituz egin dituzte blokeen... [+]
Kataluniako mugimendu libertarioan infiltratu zen eta Gasteizko auzo okupatuan ere egon zen poliziaren kasua herri mugimenduen aurkako errepresio orokorraren baitan kokatu du Errekaleor Bizirik-ek.
Espainiako Poliziako agente batek hiru urte eman zituen Bartzelonako mugimendu sozialetan infiltratuta. Barztelonako La Cinétika zentro sozialean hasi zen 2020an, eta “harreman sexu-afektibo instrumentalak” mantendu zituen hainbat emakumerekin eta horri esker... [+]
Kontsumismoa da gaur egungo “-ismo” garrantzitsuenetakoa. Hain errotua dugu, ezen produktu askoren kontsumo mugagabeak baliabide krisi batera zuzendu baitu gure gizartea. Era berean, ekoizpenari loturiko eredu energetikoa kinka larrian dago, energia baliabideak... [+]
"9 urte bizirik, 63 urte memorian" lelopean ospatuko dute urtemuga aurten, irailaren 21etik 25era bitartean.
EAEko eta Errekaleor auzo askeko energia kontsumoa kalkulatu ditu Euskal Herriko Unibertsitateko ikerlari talde batek, aztarna energetikoan eragiten duten faktoreak ezagutzeko.
Gasteizko auzo okupatuko lurretan ortua egiteko lursail bat hartu dezakete herritarrek. Hainbat dozena baratze martxan dira jada, eta kopurua handitzeaz gain proiektuaren izaera komunitarioa indartu nahi dute orain.
Dagoeneko hasi da Olarizu hiribideko blokeen eraispena, joan den astean utzarazpena gauzatu ostean. Bertan izan da Gorka Urtaran: "Errekaleorrek Olarizuren zorte bera izango du", ohartarazi du alkateak.
Zazpi urte bete ditu Errekaleor Auzo Askeak eta hori ospatzeko jarduera sorta bat antolatu dute Gasteizko hainbat txokotan.