Badator Blai, gazteon telebista
'Gazteraiki' topaketetatik irtendako proiektuetako bat da Blai, gazteon telebista. Lau saio izango ditu: fikzioa, mahai-ingurua, Late Night bat eta bideoklipak. Ekoizpenean lagun dezaketen gazteekin sare bat osatuko dute.
Gaur egun komunikazioaren esparruan dagoen hutsuneari aurre egiteko sortu da Blai, gazteon telebista. Udazkenetik aurrera izango da gazte guztien pantailetan lau saioko telebista, eta horretarako udan zehar egingo dituzte grabaketak. Parte hartu nahi duen gazte orori hurbiltzeko deia egin diote: izan soinu-teknikariak, kamerak, aktoreak... edo gogotsu dagoen beste edozeini. Azaldu dutenez, ez baitago "ideia zentzugaberik". Harremanetan jartzeko blai.gaztetb@gmail.com helbidera idazteko eskatu dute.
Blai-ren oharra:
2015eko abenduan hasi eta 2016ko abenduan amaitu zen prozesu batetik gatoz, Gazteraiki topaketekin amaiera eman zitzaiona. Gazteak askatuko gaituzten zain egoteari utzi, eta bizitzako esparru guztietan alternatibak sortzeko aitzakiapean sortu zen prozesua.
Oraina bizi dugu gazteok, eta aurrera eramaten ditugu egunero, tokian toki, hamaika borroka ezberdin. Hauek guztiak, baina, isilaraziak dira helduek kontrolatutako komunikabideetan, ideia zentzugabeak ditugulakoan. Guk, ordea, gazteotaz saltzen duten irudi konformista irauli nahi dugu. Auzolanean sortu eta autogestio bidez kudeatzen ditugu jada zenbait gazte proiektu komunikatibo, gazteriak gertakizunen kontakizun propioa egin dezan ezinbestekoak direnak.
Kontakizun honi ale bat gehiago gehitzeko asmoz martxan jarriko dugu Blai, gazteon telebista. Lau saio izango ditu Blai telebistak, hilabetean behin emitituko direnak: fikzioa, bideoklipak, mahai-inguruak eta Late Night bat. Eta, horien barruan, gazteok bizitako hamaika ideia, sentimendu ala kolore askotako mila emozio. Geure kontakizun propioa egiteko, ez baitago ideia zentzugaberik.
Saioen ekoizpenean lagun dezakeen jendearekin sare bat osatu nahi dugu: kamerak, soinu-teknikariak, edizioan trebea den jendea, gidoilariak, aktoreak... Interesa edukiz gero idatzi blai.gaztetb@gmail.com helbidera
Albiste hau Topatuk argitaratu du eta CC-by-sa lizentziari esker ekarri dugu ARGIAra.
Uztailaren 19an, 8:00etan zegoen gaztetxea husteko agindua emanda. Momentuz, lortu dute desalojoa atzera botatzea. Zestoako Gazte Asanbladak Bilboko Aresti Zentro Sozialistaren desaloa jasan zutenei elkartasun osoa adierazi die.
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Neska gazteok ez dugu zaintzen, guk ez dugu grebara joateko arrazoi garrantzitsurik. [...] Zeren “benetako” arrazoiak, “benetako” lana, “benetako” greba, “benetako” dena beste batzuena baita beti.
Gazte antolakundeak "amorrua anbizio bilakatzeko gaitasuna" azpimarratu du. Atxiloketa prozesuaren atzean dagoena salatzea ez ezik, Ernairen norabidea zehaztu du.
Euskal Herriko Neska* Gazteen sareak Usurbilen (Gipuzkoa) egingo du aurtengo Baterajotzea, urriaren 13tik 15era bitartean. Herrietako asanbladetan eztabaidatutako zenbait gai elkarrekin lantzeko eta erabakiak hartzeko topagunea izango dela gogorarazi digute Maider... [+]