Hamaikagarren edizioa da gaur abiatuko den Azkena Rock jaialdia eta nazioarteko hainbat talde klasiko etorriko dira Gasteizera: Twisted Sister, Ozzy Osbourne & Friends, Lynyrd Skynyrd, Status Quo, Blue Oyster Cult, Black Label Society, The Darkness eta Gun.
Gaur bihar eta etzi 41 talde taularatuko dira guztira eta 44.000 rock zale inguru biltzea espero da, aurreko urtean baino 10.000 gutxiago.
Mendizabalako eszenatoki bakoitzean lau eta sei kontzertu izango dira eta agertokiek musikari hilberrien izenak hartuko dituzte: Agertoki nagusiak Levon Helm The Bandeko bateria jotzaile eta abeslariaren izena; bigarrenak, Adam Yauch The Beasty Boys taldearen sortzailearena eta hirugarrenak, Bee Gees taldeko Robin Gibbena.
Egunero 8 bat orduz entzungo da rock, hard rock, metal, punk, blues rock eta rythm and blues musika. Gaur jaialdiari hasiera emateko Twisted Sister eta Status Quo izango dira. Ostiralean Ozzy eta lagunak arituko dira eta jaialdia Brian Jonestown Massacre taldeak itxiko du. .